ഡാറ്റാ സെന്ററുകൾ സ്ഥാപിച്ച് ക്ലൗഡ് സേവനങ്ങൾ നൽകുന്ന കമ്പനികൾക്ക് നികുതിയൊഴിവ്

ന്യൂഡൽഹി:ഇന്ത്യയിലെ വിവര സാങ്കേതികവിദ്യയുടെയും കൃത്രിമബുദ്ധിയുടെയും വളർച്ചയ്ക്ക് വലിയ പ്രോത്സാഹനം നൽകി, രാജ്യത്ത് ഡാറ്റാ സെന്ററുകൾ സ്ഥാപിച്ച് ക്ലൗഡ് സേവനങ്ങൾ നൽകുന്ന കമ്പനികൾക്ക് 2047 വരെ നികുതി ഒഴിവ് ധനമന്ത്രി നിർമ്മല സീതാരാമൻ പ്രഖ്യാപിച്ചു.

ഞായറാഴ്ച കേന്ദ്ര ബഡ്ജറ്റ് അവതരിപ്പിക്കവെ, നിർണായക അടിസ്ഥാന സൗകര്യങ്ങൾ ഒരുക്കേണ്ടതിൻ്റെയും നിക്ഷേപം ആകർഷിക്കേണ്ടതിൻ്റെയും ആവശ്യകതയെക്കുറിച്ച് സർക്കാർ ബോധവാന്മാരാണെന്ന് സീതാരാമൻ പറഞ്ഞു.

ഇന്ത്യയിൽ നിന്ന് ഡാറ്റാ സെന്റർ സേവനങ്ങൾ ഉപയോഗിച്ച് ലോകമെമ്പാടുമുള്ള ഉപഭോക്താക്കൾക്ക് ക്ലൗഡ് സേവനങ്ങൾ നൽകുന്ന ഏതൊരു വിദേശ കമ്പനിക്കും 2047 വരെ നികുതി ഒഴിവ് പ്രഖ്യാപിക്കുന്നു. ഇന്ത്യൻ വിതരണക്കാരൻ വഴി ഇന്ത്യൻ ഉപഭോക്താക്കൾക്ക് സേവനം നൽകേണ്ടി വരുമെന്നും ധനമന്ത്രി കൂട്ടിച്ചേർത്തു.

Content Highlights: ndia offers tax exemptions until 2047 for companies establishing data centers & providing cloud services, boosting IT & AI growth. Learn more!