വനിതാ ഡോക്ടറുടെ കൊലപാതകം: ശനിയാഴ്ച രാവിലെ ആറുമുതല് 24 മണിക്കൂര് പണിമുടക്ക് പ്രഖ്യാപിച്ച് ഐ.എം.എ.
ന്യൂഡല്ഹി: കൊല്ക്കത്തയിലെ വനിതാ ഡോക്ടറുടെ ബലാത്സംഗ കൊലപാതകത്തിലും തുടര്ന്നുള്ള അക്രമസംഭവങ്ങളിലും പ്രതിഷേധവുമായി ഐ.എം.എ. (ഇന്ത്യന് മെഡിക്കല് അസോസിയേഷന്). 24 മണിക്കൂര് രാജ്യവ്യാപക പണിമുടക്ക് പ്രഖ്യാപിച്ചു. അടിയന്തര സര്വീസുകളും കാഷ്വാലിറ്റിയും പ്രവര്ത്തിക്കും.
ശനിയാഴ്ച രാവിലെ ആറുമണി മുതല് ഞായറാഴ്ച രാവിലെ ആറുമണിവരെയാണ് പണിമുടക്ക്. ഒ.പി., അടിയന്തരമല്ലാത്ത ശസ്ത്രക്രിയകള് തുടങ്ങിയവ മുടങ്ങുമെന്നാണ് ഐ.എം.എ. വാര്ത്താക്കുറിപ്പില് അറിയിച്ചിരിക്കുന്നത്.
Content Highlights: ima announces strike