ഇല കണ്ട് വിളയേതെന്ന് രാഹുലും പ്രിയങ്കയും തിരിച്ചറിഞ്ഞാല് രാഷ്ട്രീയം വിടാമെന്ന് കേന്ദ്രമന്ത്രി

ന്യൂഡല്ഹി: കാര്ഷിക ബില്ലുകള്ക്കെതിരായ കോണ്ഗ്രസ് പ്രതിഷേധത്തില് രാഹുല് ഗാന്ധിയെയും പ്രിയങ്ക ഗാന്ധിയെയും വിമര്ശിച്ച് കേന്ദ്രമന്ത്രി ഗജേന്ദ്ര സിങ് ഷെഖാവത്ത്. രാഹുലും പ്രിയങ്കയും രാജ്യത്തെ കര്ഷകരെ തെറ്റിദ്ധരിപ്പിക്കുകയാണെന്ന് അദ്ദേഹം കുറ്റപ്പെടുത്തി.
ആടിനെയും ചെമ്മരിയാടിനെയും തിരിച്ചറിയാനാകാത്തവരാണ് രാഹുലും പ്രിയങ്കയും. പാടത്തെ വിളകളുടെ ഇലകള് കണ്ട് അതേത് വിളയാണെന്ന് തിരിച്ചറിയാന് ഗാന്ധി സഹോദരങ്ങള്ക്ക് സാധിക്കുമെങ്കില് താന് രാഷ്ട്രീയം ഉപേക്ഷിക്കാന് തയ്യാറാണെന്നും അദ്ദേഹം പറഞ്ഞു.
കാര്ഷികനിയമങ്ങള്ക്കെതിരേ പഞ്ചാബില് ഖേതി ബച്ചാവോ യാത്ര എന്ന പേരില് മൂന്നുദിവസത്തെ പ്രതിഷേധ പരിപാടികള് കോണ്ഗ്രസ് നടത്തിയിരുന്നു. ഇതിനുപുറമേ രാജ്യമെമ്പാടും കാര്ഷിക നിയമങ്ങള്ക്കെതിരായി കോണ്ഗ്രസ് പ്രതിഷേധങ്ങള് നടത്തുന്നുണ്ട്. ഇതിന്റെ പശ്ചാത്തലത്തിലാണ് രാഹുലിനെയും പ്രിയങ്കയെയും വിമര്ശിച്ച് കേന്ദ്രമന്ത്രിയെത്തിയത്. ബിജെപി കര്ഷക വിഭാഗത്തിന്റെ ദേശീയ ജനറല് സെക്രട്ടറിയാണ് അദ്ദേഹം.
Content Highlights: I would leave politics if Rahul and Priyanka can identify a corps by its leaf: Union minister
Content Highlights: