കേന്ദ്ര സര്ക്കാര് ജീവനക്കാരുടെ ശമ്പള പരിഷ്കരണത്തിനുള്ള എട്ടാം ശമ്പള കമ്മിഷന് അനുമതി
ന്യൂഡല്ഹി: കേന്ദ്ര സര്ക്കാര് ജീവനക്കാരുടെ ശമ്പളം പരിഷ്കരിക്കുന്നതിനുള്ള എട്ടാം ശമ്പള കമ്മിഷന് രൂപവത്കരണത്തിന് കേന്ദ്രമന്ത്രിസഭ അംഗീകാരം നല്കി. കേന്ദ്രമന്ത്രി അശ്വിനി വൈഷ്ണവ് ആണ് ഇക്കാര്യം അറിയിച്ചത്.
കേന്ദ്ര ബജറ്റിന് ദിവസങ്ങള്ക്ക് മുമ്പാണ് എട്ടാം ശമ്പള കമ്മീഷന് രൂപവത്കരണം കേന്ദ്ര മന്ത്രിസഭ അംഗീകരിച്ചത്.
ഒരു കോടിയിലധികം വരുന്ന കേന്ദ്ര സര്ക്കാര് ജീവനക്കാരുടെ അടിസ്ഥാന ശമ്പളം, അലവന്സുകള്, പെന്ഷന്, മറ്റ് ആനുകൂല്യങ്ങള് എന്നിവ പരിഷ്കരിക്കുക ലക്ഷ്യമിട്ടാണ് ശമ്പള കമ്മിഷന് രൂപവത്കരിക്കുന്നത്.
ഏഴാം ശമ്പള കമ്മിഷന് ശുപാര്ശകള് ഇതിനകം നടപ്പാക്കിയിട്ടുണ്ടെന്ന് അശ്വിനി വൈഷ്ണവ് പറഞ്ഞു. പുതിയ കമ്മിഷന് അംഗങ്ങള് ഉള്പ്പെടെയുള്ള മറ്റ് വിശദാംശങ്ങള് സര്ക്കാര് പിന്നീട് അറിയിക്കുമെന്നും അദ്ദേഹം വ്യക്തമാക്കി.
Content Highlights: Formation of 8th central pay commission approved by Cabinet