കാവഡ് യാത്ര: ഹോട്ടൽ ഉടമയുടെ പേര് പുറത്ത് പ്രദർശിപ്പിക്കണം; വിചിത്ര ഉത്തരവുമായി UP പോലീസ്

ലഖ്നൗ: ഉത്തർപ്രദേശിൽ കാവഡ് യാത്രയ്ക്ക് മുമ്പ് വിചിത്ര നിർദേശവുമായി യു.പി. പോലീസ്. യാത്ര കടന്നുപോകുന്ന പ്രദേശങ്ങളിലെ ഹോട്ടലുകളിലും മറ്റ് ഭക്ഷണശാലകളിലും ഹോട്ടൽ ഉടമയുടെ പേര് പുറത്ത് എഴുതിവയ്ക്കണമെന്ന് മുസാഫർന​ഗർ പോലീസ് ആവശ്യപ്പെട്ടു. ഭക്തർക്ക് ആശയക്കുഴപ്പമുണ്ടാകാതിരിക്കാനാണ് നടപടിയെന്നാണ് വിഷയത്തിൽ പോലീസ് നൽകുന്ന വിശദീകരണം. 

ജൂൺ 22-നാണ് കാവഡ് യാത്ര ആരംഭിക്കുന്നത്. ഹിന്ദു തീർഥാടകർ ഉത്തരാഖണ്ഡിലെ ഋഷികേശിലും ഹരിദ്വാറിലുമെത്തി ​ഗം​ഗാജലം ശേഖരിച്ച് തിരിച്ചെത്തി ക്ഷേത്രങ്ങളിലെ ശിവ വി​ഗ്രഹങ്ങളിൽ അഭിഷേകം നടത്തുന്നതാണ് ആചാരം. 

അതേസമയം, സർക്കാർ ശ്രമം മതസ്പർധ വളർത്താനാണെന്ന് കോൺ​ഗ്രസ് ആരോപിച്ചു. പോലീസ് നടപടിക്കെതിരെ ഹൈദരാബാദ് എം.പി. അസദുദ്ദീൻ ഒവൈസിയും രം​ഗത്തെത്തി. നടപടിയെ ദക്ഷിണാഫ്രിക്കയിലെ വർണവിവേചനത്തേയും ഹിറ്റ്‌ലറുടെ ജർമനിയേയും ഉപമപ്പെടുത്തി എം.പി. പോലീസിനെ രൂക്ഷമായി വിമർശിച്ചു. 

Content Highlights: Eateries On Kanwar Yatra Route To Display Owners, says UP Police