പോലീസ് ആണോ? യൂണിഫോമില്ല, കയ്യിൽ ലാത്തി! യൂണിഫോമുണ്ട്, നെയിം പ്ലേറ്റില്ല; ചോദ്യം ചെയ്ത് പ്രതിഷേധക്കാർ

ന്യൂഡൽഹി: ഡൽഹിയിൽ പ്രതിഷേധത്തിനിടെ നാടകീയ രംഗങ്ങൾ. വിദ്യാർഥി പ്രതിഷേധം നിയന്ത്രിക്കാനെത്തിയ പോലീസ് ഉദ്യോഗസ്ഥർക്കിടയിൽ യൂണിഫോമിലല്ലാതെ കയ്യിൽ ലാത്തിയുമായി നിന്ന വനിതയെ പ്രതിഷേധക്കാർ തടഞ്ഞുവെച്ച് ചോദ്യം ചെയ്തു. വിദ്യാർഥികളെ അറസ്റ്റുചെയ്ത വനിതാ പോലീസുകാരി നെയിംപ്ലേറ്റില്ലാത്ത യൂണിഫോം ധരിച്ചതും പ്രതിഷേധക്കാർ ചോദ്യം ചെയ്തു.

പോലീസ് വിദ്യാർഥികളെ കസ്റ്റഡിയിലെടുക്കുന്നതിനിടയിലാണ് സിവിൽ വസ്ത്രം ധരിച്ച ഈ വനിത പോലീസിനൊപ്പം നീങ്ങിയത്. ഇവർ ആരാണെന്നും ഇവിടെ എന്താണ് സംഭവിക്കുന്നതെന്നും ചോദിച്ചുകൊണ്ട് വിദ്യാർഥികളും പ്രതിഷേധക്കാരും കടുത്ത പ്രതിഷേധം ഉയർത്തി. യൂണിഫോം ധരിക്കാതെ പോലീസിനോടൊപ്പം നിന്ന വനിത ആരുടെ നിർദ്ദേശപ്രകാരമാണ് ഇടപെടുന്നതെന്ന് പ്രതിഷേധക്കാർ ആവർത്തിച്ച് ചോദിക്കുന്നത് ദൃശ്യങ്ങളിൽ വ്യക്തമാണ്. നെയിംപ്ലേറ്റില്ലാത്ത യൂണിഫോം ധരിച്ച് വിദ്യാർഥികളെ കസ്റ്റഡിയിലെടുത്ത പോലീസുകാരിയെന്ന അവകാശപ്പെട്ട വനിതയെയും പ്രതിഷേധക്കാർ ചോദ്യം ചെയ്തു.

ഔദ്യോഗിക യൂണിഫോമില്ലാതെ കയ്യിൽ ലാത്തിയുമായി പോലീസിനൊപ്പം നിൽക്കുകയും വിദ്യാർഥികളെ കസ്റ്റഡിയിലെടുക്കുന്നതിൽ പങ്കാളിയാവുകയും ചെയ്ത നടപടിക്കെതിരെ പ്രതിഷേധക്കാർ ശക്തമായ ചോദ്യങ്ങളാണ് ഉന്നയിച്ചത്. പോലീസ് കസ്റ്റഡിയിലുള്ള വിദ്യാർഥികളുടെ സുരക്ഷയെക്കുറിച്ചും പോലീസിന്റെ പ്രവർത്തനരീതിയെക്കുറിച്ചും പ്രതിഷേധക്കാർ കടുത്ത ആശങ്ക രേഖപ്പെടുത്തി. ഔദ്യോഗിക പദവി ഇല്ലാത്ത വ്യക്തികളാണോ പോലീസിനൊപ്പം പ്രതിഷേധക്കാരെ നേരിടാൻ എത്തിയതെന്ന സംശയവും ഇതോടെ ഉയർന്നു.