ഇ-റിക്ഷ വിളിച്ച് മൾട്ടി ലെവൽ പാർക്കിങ്ങിന് മുകളിലെത്തി, കെട്ടിടത്തിൽ നിന്ന് ചാടി ജീവനൊടുക്കി

ന്യൂഡൽഹി: നോയിഡയിലെ സെക്ടർ 18-ൽ മൾട്ടി ലെവൽ പാർക്കിംഗ് സൗകര്യത്തിന്റെ രണ്ടാം നിലയിൽ നിന്ന് താഴേക്ക് ചാടി 50 വയസ്സുകാരി മരിച്ചു. സിതു തൽവാർ എന്ന സ്ത്രീയാണ് മരിച്ചത്. ശനിയാഴ്ചയാണ് സംഭവം നടന്നതെന്ന് പോലീസ് അറിയിച്ചു. ഇത് ആത്മഹത്യയാണെന്നാണ് പോലീസിന്റെ പ്രാഥമിക നിഗമനം. ശനിയാഴ്ച ഒരു ഇ-റിക്ഷ വാടകയ്ക്കെടുത്താണ് സിതു തൽവാർ പാർക്കിംഗ് കേന്ദ്രത്തിലെത്തിയത്. തുടർന്ന് കെട്ടിടത്തിന്റെ രണ്ടാം നിലയിലേക്ക് പോയ ഇവർ അവിടെ നിന്ന് താഴേക്ക് ചാടുകയായിരുന്നു.

വിവരം ലഭിച്ച ഉടൻ തന്നെ പോലീസ് സംഘം സ്ഥലത്തെത്തുകയും ബന്ധുക്കളെ വിവരമറിയിക്കുകയും ചെയ്തു. സിതു തൽവാർ കഴിഞ്ഞ 20 വർഷമായി വിഷാദരോഗത്തിന് ചികിത്സയിലായിരുന്നുവെന്ന് പ്രാഥമിക അന്വേഷണത്തിൽ വ്യക്തമായതായി പോലീസ് പറഞ്ഞു. മരണത്തിന്റെ കൃത്യമായ കാരണം കണ്ടെത്തുന്നതിനായി മൃതദേഹം പോസ്റ്റ്മോർട്ടം നടപടികൾക്കായി അയച്ചിരിക്കുകയാണ്.

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. അത്തരം ചിന്തകളുളളപ്പോൾ 'ദിശ' ഹെൽപ് ലൈനിൽ വിളിക്കുക. Toll free helpline number: 1056, 0471-2552056)

Content Highlights: A 50-year-old woman identified as Situ Talwar died in Noida Sector 18., The incident occurred at a multi-level parking facility., Police suspect suicide as the primary cause of death., The victim had a 20-year history of treatment for depression., An official police investigation and post-mortem are currently underway.