'ഞാൻ ഏറെ ആസ്വദിക്കുന്ന വെല്ലുവിളി'; യാഷിൻ്റെ പുത്തൻ ലുക്കിനെക്കുറിച്ച് ഹെയർ സ്റ്റെെലിസ്റ്റ്

പ്രശാന്ത് നീൽ ചിത്രം കെജിഎഫിലെ റോക്കി എന്ന കഥാപാത്രത്തിലൂടെ ഇന്ത്യയൊട്ടാകെ ആരാധകരെ നേടിയ താരമാണ് യാഷ്. കട്ട താടിയും നീണ്ട മുടിയുമായി എത്തിയ യാഷ് ഒരുപാട് ആരാധകരെ സ്വന്തമാക്കി. ആനന്ദ് അംബാനി-രാധിക മെർച്ചൻ്റ് വിവാഹത്തിൽ മുടി മുറിച്ച് പുത്തൻ ലുക്കിലെത്തിയ താരത്തിൻ്റെ ചിത്രങ്ങൾ വെെറലാവുകയും ചെയ്തു. 

ഇപ്പോഴിതാ ആ വെെറൽ ലുക്കിനെക്കുറിച്ച് വെളിപ്പെടുത്തലുമായി എത്തിയിരിക്കുകയാണ് നടൻ്റെ ഹെയർ സ്റ്റെെലിസ്റ്റ് അലക്സ് വിജയ്കാന്ത്. യാഷിൻ്റെ പുത്തൻ ലുക്ക് ​ഗീതു മോഹൻദാസ് ചിത്രം ടോക്സിക്കിലേതാണെന്ന് അദ്ദേഹം വ്യക്തമാക്കി. യാഷ് അവതരിപ്പിക്കുന്ന കഥാപാത്രങ്ങൾക്ക് അനുയോജ്യമായ ഹെയർസ്റ്റെെൽ ഒരുക്കുന്നത് താൻ ഏറെ ആസ്വദിക്കുന്നൊരു വെല്ലുവിളിയാണെന്ന് അലക്സ് വിജയ്കാന്ത് പറഞ്ഞു. 

കെ.ജി.എഫിന് ശേഷമുള്ള യാഷ് ചിത്രമെന്ന നിലയ്ക്ക് ഏറെ ആകാംക്ഷയോടെയാണ് ആരാധകർ ടോക്സിക്കിനായി കാത്തിരിക്കുന്നത്. ടോക്സിക് - എ ഫെയറി ടെയിൽ ഫോർ ഗ്രോൺ-അപ്സ് എന്നാണ് ചിത്രത്തിന്റെ മുഴുവൻ പേര്. കെവിഎൻ പ്രൊഡക്ഷൻസും മോൺസ്റ്റർ മൈൻഡ് ക്രിയേഷൻസും ചേർന്നാണ് ചിത്രം നിർമിക്കുന്നത്. ചിത്രം 2025-ൽ തിയേറ്ററുകളിലെത്തും. 

Content Highlights: yash new look for geethu mohandas movie toxic