'നമ്മള് അത്ര ക്ലീന് അല്ല'; 'രേഖ'യ്ക്ക് U/A സര്ട്ടിഫിക്കറ്റ്, ഫെബ്രുവരി 10-ന് തിയേറ്ററുകളിലെത്തും
വിന്സി അലോഷ്യസിനെ കേന്ദ്ര കഥാപാത്രമാക്കി ജിതിന് ഐസക്ക് തോമസ് സംവിധാനം ചെയ്യുന്ന 'രേഖ' റിലീസിനൊരുങ്ങുന്നു. ഫെബ്രുവരി 10-ന് ചിത്രം തിയേറ്ററുകളിലെത്തും. സിനിമയുടെ രചനയും ജിതിന് തന്നെയാണ് നിര്വഹിച്ചിരിക്കുന്നത്.
സംവിധായകന് കാര്ത്തിക് സുബ്ബരാജിന്റെ നിര്മാണ കമ്പനിയായ സ്റ്റോണ് ബെഞ്ചേഴ്സ് അവതരിപ്പിക്കുന്ന ചിത്രത്തില് ഉണ്ണി ലാലു മറ്റൊരു പ്രധാന കഥാപാത്രത്തെ അവതരിപ്പിക്കുന്നു. പ്രേമലത തൈനേരി, രാജേഷ് അഴിക്കോടന്, രഞ്ജി കാങ്കോല്, പ്രതാപന് കെ.എസ്, വിഷ്ണു ഗോവിന്ദന് എന്നിവരാണ് മറ്റ് താരങ്ങള്. കാര്ത്തികേയന് സന്താനമാണ് രേഖയുടെ നിര്മ്മാണം നിര്വഹിച്ചിരിക്കുന്നത്. ചിത്രത്തിന് U/A സര്ട്ടിഫിക്കറ്റാണ് സെന്സര് ബോര്ഡ് നല്കിയിരിക്കുന്നത്.
നേരത്തെ പുറത്തിറങ്ങിയ ചിത്രത്തിന്റെ ട്രെയിലറിനും ടീസറിനും മികച്ച പ്രതികരണമാണ് ലഭിച്ചത്. ദി എസ്കേപ് മീഡിയം, മിലന് വി. എസ്, നിഖില് വി. എന്നിവര് ചേര്ന്നാണ് ചിത്രത്തിനായി സംഗീതം ഒരുക്കിയിരിക്കുന്നത്. രജത് പ്രകാശാണ് മ്യൂസിക് പ്രൊഡക്ഷന്.
അമിസാറാ പ്രൊഡക്ഷന്സാണ് 'രേഖ' തിയേറ്ററുകളില് എത്തിക്കുന്നത്. നെറ്റ്ഫ്ലിക്സിനാണ് സിനിമയുടെ ഡിജിറ്റല് അവകാശം. എബ്രഹാം ജോസഫാണ് സിനിമയുടെ ക്യാമറ കൈകാര്യം ചെയ്തിരിക്കുന്നത്.
രോഹിത് വി. എസ്. വാര്യത്താണ് എഡിറ്റര്. കല്രാമന്, എസ്. സോമശേഖര്, കല്യാണ് സുബ്രമണ്യന് എന്നിവരാണ് സഹനിര്മ്മാതാക്കള്. അസ്സോസിയേറ്റ് നിര്മ്മാതാക്കള്- തന്സിര് സലാം, പവന് നരേന്ദ്ര, എക്സിക്യൂട്ടീവ് പ്രൊഡ്യൂസര്- എം. അശോക് നാരായണന്, പ്രൊഡക്ഷന് ഡിസൈന്- മാനവ് സുരേഷ്, വസ്ത്രാലങ്കാരം- വിപിന് ദാസ്, മേക്ക് ആപ്പ് - റോണി വെള്ളത്തൂവല്, ബി.ജി.എം.- അബി ടെറന്സ് ആന്റണി, ടീസര് എഡിറ്റ്- അനന്ദു അജിത്, പി.ആര് & മാര്ക്കറ്റിംഗ്- വൈശാഖ് സി വടക്കേവീട്, വി.എഫ്.എക്സ്- സ്റ്റുഡിയോ മാക്രി, സൗണ്ട് ഡിസൈന്- ആശിഷ് ഇല്ലിക്കല്.
Content Highlights: vincy aloshious movie rekha release date announced