'ശശിയും ശകുന്തളയും' പ്രദര്‍ശനത്തിന്
എന്റെ മൊയ്തീന്‍ എന്ന ചിത്രത്തിന്റെ വന്‍ വിജയത്തിനു ശേഷം ആര്‍.എസ്.വിമല്‍ തിരക്കഥ രചിച്ച് നിര്‍മ്മിക്കുന്ന പുതിയ ചിത്രമാണ് ശശിയും ശകുന്തളയും. നവാഗതനായ ബച്ചാള്‍ മഹമ്മദ് ഈ ചിത്രം സംവിധാനം ചെയ്യുന്നു. കാല്ലങ്കോട്,ചിറ്റൂര്‍ പാലക്കാട് എന്നിവിടങ്ങളിലായി ചിത്രീകരണം പൂര്‍ത്തിയായ ഈ ചിത്രം എഴുപതുകാലഘട്ടത്തിന്റെ പശ്ചാത്തലത്തിലൂടെ രണ്ടു ട്യൂട്ടോറിയല്‍ കോളജുകളുടെ പരസ്പര കലഹവും പ്രണയവുമൊക്കെ ഇതിവൃത്തമാകുന്നു.
പുതുമുഖങ്ങളായ ഷാഹിന്‍, ആമി, എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രത്തില്‍ സിദ്ദിഖ്, ബാലാജി ശര്‍മ്മ, അശ്വിന്‍കുമാര്‍, ബിനോയ് നമ്പ്യാല, സൂര്യ കൃഷ്ണാ, എന്നിവരും പ്രധാന താരങ്ങളാണ്. സംഗീതം - പ്രകാശ് അലക്‌സ്, പശ്ചാത്തല സംഗീതം -കെ.പി, ഛായാഗ്രഹണം - വിഷ്ണുപ്രസാദ്, എഡിറ്റിംഗ് - വിനയന്‍.എം.ജെ, കലാസംവിധാനം - വസന്ത് പെരിങ്ങോട്, മേക്കപ്പ് - വിപിന്‍ ഓമശ്ശേരി. കോസ്റ്റ്യും - ഡിസൈന്‍ - കുമാര്‍ എടപ്പാള്‍, സംഘട്ടനം - അഷറഫ് ഗുരുക്കള്‍, ആമി ഫിലിംസിന്റെ ബാനറില്‍, ആര്‍.എസ്.വിമല്‍, സലാം താലിക്കാട്ട്, നേഹ എന്നിവര്‍ നിര്‍മ്മിക്കുന്ന ഈ ചിത്രത്തിന്റെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായിരിക്കുന്നു. മാര്‍ച്ചുമാസത്തില്‍ ഈ ചിത്രം പ്രദര്‍ശനത്തിനെത്തുന്നു. വാഴൂര്‍ ജോസ്. ഫാട്ടോ - ഷിബി ശിവദാസ്.
Content Highlights: Sasiyum Sakunthalayum malayalam film RS Vimal