'നാഗബന്ധം' റിലീസ് ജൂലായ് മൂന്നിന്; കേരളത്തിലെത്തിക്കുന്നത് ഗുഡ് ഫെലാസ് ഫിലിംസ് ആൻഡ് റിലീസ്

അഭിഷേക് നാമ രചിച്ചു സംവിധാനം ചെയ്യുന്ന പാൻ- ഇന്ത്യൻ തെലുങ്ക് ചിത്രമായ 'നാഗബന്ധം' ജൂലായ് മൂന്നിന് ആഗോള റിലീസായി എത്തും. ചിത്രം കേരളത്തിലെത്തിക്കുന്നത് ജി.എഫ്. (ഗുഡ് ഫെല്ലാസ്) ഫിലിംസ് ആൻഡ് റിലീസ് ആണ്. വിരാട് കർണ നായകനായി എത്തുന്ന ചിത്രം എൻഐകെ സ്റ്റുഡിയോസ്, അഭിഷേക് പിക്‌ചേഴ്‌സ് എന്നിവയുടെ ബാനറിൽ കിഷോർ അന്നപുറെഡ്ഡി, നിഷിത നാഗിറെഡ്ഡി എന്നിവർ ചേർന്നാണ് നിർമിച്ചത്. ചിത്രം അവതരിപ്പിക്കുന്നത് ലക്ഷ്മി ഇറയും ദേവാൻഷ് നാമയും ചേർന്നാണ്. സഹനിർമാണം താരക് സിനിമാസ്.

ബ്രഹ്‌മാണ്ഡ ദൃശ്യങ്ങളും, അമ്പരപ്പിക്കുന്ന വിഎഫ്എക്‌സും ആണ് ചിത്രത്തിന്റെ ഹൈലൈറ്റ് എന്നാണ് ഇതിനോടകം പുറത്തുവന്ന ടീസർ ഉൾപ്പെടെയുള്ളവ സൂചിപ്പിക്കുന്നത്. ബ്രഹ്‌മാണ്ഡ നിർമാണ സ്‌കെയിലും ലോകോത്തര സാങ്കേതിക നിലവാരവുമുള്ള ഒരു പാൻ- ഇന്ത്യൻ കാഴ്ചയായാണ് ചിത്രം എത്തുക. പുരാതന ക്ഷേത്രങ്ങളും നിഗൂഢ ലോകങ്ങളും മുതൽ വലിയ യുദ്ധ രംഗങ്ങളും ഉൾപ്പെടുത്തി, ആഗോള സിനിമാറ്റിക് അനുഭവം നൽകുന്നതിന് ലക്ഷ്യമിട്ടുള്ള അത്യാധുനിക വിഷ്വൽ ഇഫക്റ്റുകൾ ഉപയോഗിച്ചാണ് ചിത്രം നിർമിക്കുന്നത്. പുരാതന രഹസ്യങ്ങൾ, മറഞ്ഞിരിക്കുന്ന നിധികൾ, ദിവ്യശക്തികൾ, മറന്നുപോയ ഇതിഹാസങ്ങൾ എന്നിവയുടെ പശ്ചാത്തലത്തിലാണ് ചിത്രം കഥ പറയുന്നത്.

ചിത്രത്തിന്റെ വിദേശ റിലീസ് അവകാശം സ്വന്തമാക്കിയത് സീ സ്റ്റുഡിയോസ് ആണ്. തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളിൽ ചിത്രം ആഗോള തലത്തിൽ സീ സ്റ്റുഡിയോസ് പ്രദർശനത്തിന് എത്തിക്കും. സീ സ്റ്റുഡിയോസ് തന്നെയാണ് ചിത്രത്തിന്റെ ഉത്തരേന്ത്യൻ തിയേറ്റർ വിതരണ അവകാശങ്ങൾ സ്വന്തമാക്കിയത്. സ്ട്രീമിങ് ഭീമനായ ആമസോൺ പ്രൈം വീഡിയോ ചിത്രത്തിന്റെ ഒ.ടി.ടി. സ്ട്രീമിങ് അവകാശങ്ങൾ നേടിയപ്പോൾ, ചിത്രത്തിന്റെ തെലുങ്ക് സാറ്റലൈറ്റ് അവകാശങ്ങൾ സ്റ്റാർ മാ സ്വന്തമാക്കി. ചിത്രത്തിന്റെ പോസ്റ്റ്- പ്രൊഡക്ഷൻ, വിഎഫ്എക്‌സ് ജോലികൾ പുരോഗമിക്കുകയാണ്.

നഭാ നടേഷ്, ഐശ്വര്യ മേനോൻ, ദക്ഷ നാഗർക്കർ, മഹേഷ് മഞ്ജരേക്കർ, ജഗപതി ബാബു, റിഷഭ് സാഹ്നി, ഗരുഡ റാം, ജയപ്രകാശ്, മുരളി ശർമ, അനസൂയ ഭരദ്വാജ്, ബി.എസ്. അവിനാഷ് എന്നിവർ ആണ് ചിത്രത്തിലെ മറ്റു പ്രധാനതാരങ്ങൾ. ഹോളിവുഡ് ആക്ഷൻ ഡയറക്ടർ വ്‌ലാഡ് റിംബർഗ് ആണ് ചിത്രത്തിനായി വമ്പൻ ആക്ഷൻ സീക്വൻസുകൾ സംവിധാനം ചെയ്തിരിക്കുന്നത്.

ഛായാഗ്രഹണം: സൗന്ദർ രാജൻ എസ്, സംഗീതം: അഭേ, ജുനൈദ് കുമാർ, പശ്ചാത്തല സംഗീതം: ജുനൈദ് കുമാർ, എഡിറ്റർ: ആർ.സി. പനവ്, സിഇഒ: വാസു പൊടിനി, പ്രൊഡക്ഷൻ ഡിസൈനർ: അശോക് കുമാർ, സംഭാഷണങ്ങൾ: കല്യാൺ ചക്രവർത്തി, അഡീഷണൽ ഡയലോഗുകൾ: അഭിഷേക് നാമ, ശ്രാവൺ കുമാർ തഡ്ക, വരികൾ: കാസർല ശ്യാം, കല്യാൺ ചക്രവർത്തി, ശ്രീഹർഷ എമാനി, എക്‌സിക്യൂട്ടീവ് പ്രൊഡ്യൂസർ: അഭിനത്രി ജക്കൽ, ആക്ഷൻ: കനൽ കണ്ണൻ, വ്‌ലാഡ് റിംബർഗ് (യുഎസ്എ), റിയൽ സതീഷ്, കേച്ച ഖംഫക്ഡി, നന്ദു, റൺ നവരച് (തായ്‌ലൻഡ്), ജൂനിയർ വെങ്കട്ട്, കൊറിയോഗ്രാഫി: ബൃന്ദാ, ഗണേഷ് ആചാര്യ, ശ്രസ്തി വർമ, തിരക്കഥ വികസനം: ശ്രാ1, രാജീവ് എൻ. കൃഷ്ണ, വിഎഫ്എക്‌സ് ഡയറക്ടർ: അഭിഷേക് നാമ, സൗണ്ട് ഡിസൈൻ: സിങ്ക് സിനിമാസ്, വിഎഫ്എക്‌സ്: തണ്ടർ സ്റ്റുഡിയോസ്, വിഎഫ്എക്‌സ് സൂപ്പർവൈസർ: ദേവ് ബാബു ഗാന്ധി (ബുജ്ജി), കളർ: റെഡ് ചില്ലീസ്, സീനിയർ കളറിസ്റ്റ്: കെൻ മെറ്റ്‌സ്‌കർ, ഓഡിയോഗ്രാഫർ: എം.ആർ. രാജാകൃഷ്ണൻ, കോസ്റ്റ്യൂം ഡിസൈനർമാർ: രാജേഷ് കമർസു, വിഭ റെഡ്ഡി, ശശി ചൗധരി, കോസ്റ്റ്യൂം ചീഫ്: ശ്രീനിവാസു സിംഗാറാം, ക്യാരക്ടർ ഡിസൈനർമാർ: പ്രീതിഷീൽ സിങ് ഡിസൂസ, പട്ടണം റഷീദ്, മേക്കപ്പ് ചീഫ്: രംഗിസെട്ടി അർജുൻ, ചീഫ് കോ- ഡയറക്ടർ: ലലിത് പ്രഭാകർ, നാഗ സൂര്യദേവര, കോ-ഡയറക്ടർ: ശ്രാവൺ കുമാർ തഡ്ക, ചീഫ് അസോസിയേറ്റ് ഡയറക്ടർ: വെങ്കട്ട് റെഡ്ഡി കുഞ്ചം, അസോസിയേറ്റ് ഡയറക്ടർമാർ: രവമേഷ് രവുരി, പെദബാലി നിഖിലേശ്വർ റെഡ്ഡി, അസിസ്റ്റന്റ് ഡയറക്ടർമാർ: രൂപ്കുമാർ മഗപ്പു, എ. സുധീർ കുമാർ, അസോസിയേറ്റ് എഡിറ്റർ: ലോകേഷ് അനകല, പ്രൊഡക്ഷൻ കൺട്രോളർമാർ: രാഘവ, ഗണേഷ് വെങ്കിടേശ്വർ റാവു, എക്‌സിക്യൂട്ടീവ് മാനേജർമാർ: മുഹമ്മദ് ജാഫറുദ്ദീൻ, ദുലം രമേഷ്, ആനം നവീൻ, പ്രൊഡക്ഷൻ മാനേജർ: ബോയപതി സതീഷ്, അക്കൗണ്ട്‌സ് ആൻഡ് ഫിനാൻസ് ടീം: ശ്രീനിവാസ റെഡ്ഡി വേലഗല (ഫാക്ട് സർവീസസ് പ്രൈവറ്റ് ലിമിറ്റഡ്), യാദ്‌ലപ്പള്ളി ലക്ഷ്മികാന്ത്, പബ്ലിസിറ്റി ഡിസൈൻ: കാനി സ്റ്റുഡിയോ, സ്റ്റിൽസ്: സ്‌നാപിൻ ഫോട്ടോഗ്രാഫി, ശിവ, മാർക്കറ്റിങ്: അരുൺ കുമാർ പൊടപതി, ഹാഷ്ടാഗ് മീഡിയ, പിആർഒ: ശബരി.

Content Highlights: Nagabandham Movie- Global theatrical release scheduled for July 3rd. Distributed in Kerala by Good Fellas Films and Release. Features high-end VFX and Hollywood-standard action sequences. Pan-Indian release across Telugu, Tamil, Kannada, Malayalam, and Hindi. Streaming rights secured by Amazon Prime Video