ഓസ്‌കർ ജേത്രി മാർസിയ ലൂക്കസ് അന്തരിച്ചു, സ്റ്റാർ വാർസിന്റെ എഡിറ്റർ

ലോസ് ആഞ്ജലിസ്: സ്റ്റാർസ് വാർസ് ചലച്ചിത്രപരമ്പരകളുടെ വിജയത്തിൽ നിർണായക സംഭാവന നൽകിയ ചലച്ചിത്രസംയോജക മാർസിയ ലൂക്കസ്(80) അന്തരിച്ചു. അർബുദബാധിതയായിരുന്നു. 1977-ൽ പുറത്തിറങ്ങിയ ‘സ്റ്റാർ വാർസി’ന്റെ എഡിറ്റിങ്ങിലൂടെ ഓസ്‌കർ നേടി. ഹോളിവുഡിൽ സാങ്കേതികരംഗത്ത് സ്ത്രീകൾ അപൂർവമായ കാലത്താണ് മാർസിയ ശ്രദ്ധേയമായ സ്ഥാനമുറപ്പിച്ചത്.

‘റിട്ടൺ ഓഫ് ദ ജെഡൈ’, ‘ടിഎച്ച്എക്‌സ് 1138’, ‘അമേരിക്കൻ ഗ്രാഫിറ്റി’ തുടങ്ങി ഒട്ടേറെ ശ്രദ്ധേയ ചിത്രങ്ങളുടെ എഡിറ്റിങ് നിർവഹിച്ചു. സംവിധായകൻ മാർട്ടിൻ സ്‌കോർസെസിന്റെ ‘ടാക്സി ഡ്രൈവർ’, ‘ആലിസ് ഡസിന്റ് ലിവ് ഹിയർ എനിമോർ’, ‘ന്യൂയോർക്ക് ന്യൂയോർക്ക്’ തുടങ്ങിയ ചിത്രങ്ങളുടെ എഡിറ്റിങ് ടീമിലുമുണ്ടായിരുന്നു. സ്റ്റാർ വാർസിന്റെ സ്രഷ്ടാവുകൂടിയായ ജോർജ് ലൂക്കസിനെ 1969-ൽ വിവാഹംചെയ്തു. 1983-ൽ വിവാഹമോചിതയായി.

Content Highlights: Marcia Lucas, the influential Star Wars film editor, has passed away at 80. She won an Academy Award for her editing work on the original 1977 Star Wars. Her notable filmography includes Taxi Driver, American Graffiti, and Return of the Jedi. She was a pioneering female figure in Hollywood technical film production