ഷൂട്ടിങ്ങിനിടയിൽ കണ്ടുമുട്ടിയ 'പ്രണവ് മോഹൻലാൽ ലൈറ്റ്'; വീഡിയോയുമായി കുഞ്ചാക്കോ ബോബൻ

പ്രണവ് മോഹൻലാലിന്റെ അപരനെ പരിചയപ്പെടുത്തി നടൻ കുഞ്ചാക്കോ ബോബൻ. അറിയിപ്പ് എന്ന തന്റെ പുതിയ ചിത്രത്തിന്റെ ലൊക്കേഷനിൽ നിന്നുള്ള രസകരമായ വീഡിയോ ആണ് കുഞ്ചാക്കോ ബോബൻ പങ്കുവച്ചിരിക്കുന്നത്. ബിപിൻ തൊടുപുഴയാണ് പ്രണവിന്റെ ആ അപരൻ. 

“പ്രണവ് മോഹൻലാലിനെ പോലിരിക്കുന്ന ബിപിൻ തൊടുപുഴയുമായി ഒരു അപ്രതീക്ഷിത കണ്ടുമുട്ടൽ. ഷൂട്ടിനിടയിലെ തമാശകൾ എന്ന കുറിപ്പോടെയാണ് ചാക്കോച്ചൻ വീഡിയോ പങ്കുവച്ചിരിക്കുന്നത്.

മഹേഷ് നാരായണന്റെ സംവിധാനത്തില്‍ കുഞ്ചാക്കോ ബോബന്‍ അഭിനയിക്കുന്ന ചിത്രമാണ് 'അറിയിപ്പ്'. മഹേഷ് നാരായണന്‍ തന്നെയാണ് ചിത്രത്തിന്റെ തിരക്കഥ ഒരുക്കിയിരിക്കുന്നതും. ഷെബിന്‍ ബക്കർ  മഹേഷ് നാരായണൻ കുഞ്ചാക്കോ ബോബൻ എന്നിവർ ചേർന്നാണ് നിർമാണം. നോയ്ഡയിലാണ് അറിയിപ്പിന്റെ ചിത്രീകരണം പുരോഗമിക്കുന്നത്.

Content Highlights : Kunchacko boban Funny video, Pranav Mohanlal dupe, Ariyippu movie location video

Content Highlights: