നാലുവയസ്സുകാരിയെ പീഡിപ്പിച്ചെന്ന കേസ്: കൂട്ടിക്കല് ജയചന്ദ്രന്റെ അറസ്റ്റ് തടഞ്ഞ് സുപ്രീം കോടതി
ന്യൂഡല്ഹി: നാലുവയസ്സുകാരിയെ ലൈംഗിമായി ഉപദ്രവിച്ച കേസില് നടന് കൂട്ടിക്കല് ജയചന്ദ്രന് താത്കാലികാശ്വാസം. ജയചന്ദ്രന്റെ അറസ്റ്റ് സുപ്രീംകോടതി തടഞ്ഞു. അന്വേഷണവുമായി സഹകരിക്കണമെന്ന് കോടതി ജയചന്ദ്രനോട് ആവശ്യപ്പെട്ടു. മുന്കൂര് ജാമ്യാപേക്ഷയില് സുപ്രീംകോടതി സംസ്ഥാന സര്ക്കാരിന് നോട്ടീസയച്ചു.
ജയചന്ദ്രന്റെ മുന്കൂര് ജാമ്യാപേക്ഷ ഹൈക്കോടതി തള്ളിയിരുന്നു. ഇതിന് പിന്നാലെ കേരളാ പോലീസ് നടനെതിരെ ലുക്കൗട്ട് നോട്ടീസ് പുറപ്പെടുവിച്ചിരുന്നു.
നാലു വയസ്സുകാരിയെ പീഡിപ്പിച്ചെന്ന പരാതിയിലാണ് കൂട്ടിക്കല് ജയചന്ദ്രനെതിരേ പോലീസ് കേസെടുത്തത്. കുട്ടിയുടെ അമ്മയുടെ പരാതിയെത്തുടര്ന്ന് കോഴിക്കോട് കസബ പോലീസാണ് നടനെതിരെ കേസെടുത്തത്. കുടുംബ തര്ക്കങ്ങള് മുതലെടുത്ത് ജയചന്ദ്രന് മകളെ പീഡിപ്പിച്ചുവെന്നാണ് പരാതി.
കസബ പോലീസ് കുട്ടിയുടെ മൊഴിയെടുത്തിരുന്നു. കുട്ടിയുടെ മൊഴി അവിശ്വസിക്കേണ്ടതില്ലെന്ന് ചൂണ്ടിക്കാട്ടിയാണ് മുന്കൂര് ജാമ്യാപേക്ഷ ഹൈക്കോടതി തള്ളിയത്.
Content Highlights: Supreme Court grants interim bail to actor Kuttichal Jayachandran in a child sexual abuse case