ശ്യാമപ്രസാദിന്റെ 'കാസിമിന്റെ കടൽ' സ്റ്റുഡ്ഗാർട്ട് ചലച്ചിത്രോത്സവത്തിൽ

ശ്യാമ പ്രസാദ് സം​വി​ധാ​നം ചെ​യ്ത പു​തി​യ ചി​ത്രമായ "കാ​സി​മി​ൻറെ ക​ട​ൽ" ജ​ർ​മ്മ​നി​യി​ലെ വി​ഖ്യാ​ത​മാ​യ സ്റ്റു​ഡ്ഗാ​ർ​ട്ട് ച​ല​ച്ചി​ത്രോ​ത്സ​വ​ത്തി​ൽ പ്ര​ദ​ർ​ശി​പ്പി​ക്കുന്നു. ജർമ്മൻ മലയാളിയായ പ്രശസ്ത ഇന്ത്യൻ - ഇംഗ്ലീഷ് എഴുത്തുകാരൻ അനീസ് സലീം രചിച്ച ദ സ്മോൾ ടൗൺ സീ എന്ന നോവലിനെ ആധാരമാക്കി ജെ കെ പ്രൊഡക്ഷൻസ് നിർമ്മിച്ച കാസിമിന്റെ കടൽ ശ്യാമപ്രസാദിന്റെ ഏറ്റവും പുതിയ ചിത്രമാണിത്

ഹരീഷ് ഉത്തമൻ, ആര്യാ സലീം, താഷി ഷംദത്ത്, ബാലതാരം നിരഞ്ജൻ എന്നിവർ പ്രധാനവേഷങ്ങളിൽ അഭിനയിക്കുന്ന ചിത്രം നിർമ്മിച്ചത് ജയകുമാർ ടി എസ്,ഗിരീഷ് ഉത്തമൻ എന്നിവർ ചേർന്നാണ്. മനോജ് നാരായണൻ ഛായാഗ്രഹണം നിർവ്വഹിച്ച കാസിമിന്റെ കടലിന്റെ തിരക്കഥയും പശ്ചാത്തല സംഗീതവും ശ്യാമപ്രസാദിന്റേതാണ്.കടലോര പ്ര​ദേ​ശ​മാ​യ വ​ർ​ക്ക​ല​യു​ടെ പ​ശ്ചാ​ത്ത​ല​ത്തി​ൽ കാ​സിം എ​ന്ന ബാ​ല​ൻ ജീ​വി​തം അ​നു​ഭ​വി​ച്ച​റി​യു​ന്ന​തും ചു​റ്റു​മു​ള്ള ലോ​ക​ത്തെ മ​ന​സി​ലാ​ക്കു​ന്ന​തു​മാ​ണ് പ്ര​മേ​യം.

കാസിമും പി​താ​വും കൊ​ച്ചി​യി​ൽ​നി​ന്നു വ​ർ​ക്ക​ല​യി​ലേ​ക്ക് എ​ത്തു​ന്ന​തി​ൽ നി​ന്നാണ് ക​ഥ​യാ​രം​ഭി​ക്കു​ന്ന​ത്. എന്നാൽ ഇ​ത് കു​ട്ടി​ക​ളു​ടെ സി​നി​മ​യ​ല്ല. കു​ട്ടി​ക​ളി​ലൂ​ടെ വ​ലി​യ ലോ​ക​ത്തി​ൻറെ അ​നു​ഭ​വ​ങ്ങ​ളു​ടെ ചു​രു​ള​ഴി​ക്കു​ക​യാ​ണ്. നോ​വ​ൽ വാ​യി​ച്ച​പ്പോ​ൾ എ​നി​ക്കു വ​ള​രെ ഇ​ഷ്ട​മാ​യി. അ​തി​ൽ സി​നി​മാ ഭാ​ഷ്യ​മു​ണ്ടെ​ന്നു മ​ന​സി​ലാ​യി.അ​ന്ത​ർ​ദേ​ശീ​യ​വും കാ​ലാ​തീ​ത​വു​മാ​യ ക​ഥ​യാ​ണെ​ങ്കി​ലും സ​മ​കാ​ലി​ക വ​ർ​ക്ക​ല​യി​ലു​ള്ള​വ​രു​ടെ ജീ​വി​ത​ത്തെ ദൃ​ശ്യ​വ​ൽ​ക്ക​രി​ക്കാ​നാ​ണ് ശ്ര​മി​ച്ചി​ട്ടു​ള്ള​ത് -ശ്യാമപ്രസാദ് പറഞ്ഞു.

വ​ർ​ക്ക​ല​യു​ടെ പ​ശ്ചാ​ത്ത​ല​ത്തി​ലാ​ണ് മു​ഴു​വ​ൻ സി​നി​മ​യും ചിത്രീകരിച്ചിട്ടുള്ളത്. ഒ​ന്നു ര​ണ്ടു ക​ഥാ​പാ​ത്ര​ങ്ങ​ളൊ​ഴി​കെ ബാ​ക്കി​യുള്ളവർ വ​ർ​ക്കലക്കാരാ അ​ഭി​ന​യി​ച്ചി​രി​ക്കു​ന്ന​ത്. അ​വി​ടത്തെ പ്രാ​ദേ​ശി​ക​മാ​യ ജീ​വി​ത സാ​ഹ​ച​ര്യ​വും ഭാ​ഷ​യും സി​നി​മ​യി​ൽ ആ​വ​ശ്യ​മാ​യിയനാൽ അ​വ​രു​ടെ ഭാ​ഷ​യി​ൽ ത​ന്നെ ക​ഥാ​പാ​ത്ര​ങ്ങ​ൾ വേ​ണ്ട​തി​നാ​ൽ വ​ർ​ക്ക​ല​യി​ൽ നി​ന്നും അ​ഭി​നേ​താ​ക്ക​ളെ ക​ണ്ടെ​ത്തുകയാണുണ്ടായത്. പ​ല ത​രം ഭാ​ഷകൾ സം​സാ​രി​ക്കു​ന്ന​വ​ർ അ​വി​ടെ​യു​ണ്ടെന്നതും മറ്റൊരു പ്രത്യേകതയാണ്. 

ഈ ചി​ത്ര​ത്തി​ൽ ര​ണ്ട് കു​ട്ടി​ക​ളാ​ണ് കേ​ന്ദ്ര​ക​ഥാ​പാ​ത്ര​ങ്ങ​ളാ​കു​ന്ന​ത്. കാ​സിം കൊ​ച്ചി​യി​ൽ നി​ന്നെത്തു​ന്ന ക​ഥാ​പാ​ത്ര​മാ​യ​തി​നാ​ൽ കൊ​ച്ചി​യി​ൽ നി​ന്നാ​ണ് അ​ഭി​നേ​താ​വി​നെ ക​ണ്ടെ​ത്തി​യ​ത്. കാ​സി​മി​ൻറെ കൂ​ട്ടു​കാ​ര​ൻ ബി​ലാ​ൽ എ​ന്ന ക​ഥാ​പാ​ത്ര​മാ​യി വ​ർ​ക്ക​ല​യി​ൽ നി​ന്നു ബാ​ല​താ​ര​ത്തെ ക​ണ്ടെ​ത്തി. വ​ർ​ക്ക​ല​യു​ടെ കാ​ലാ​വ​സ്ഥ, ഭൂ​മി​ശാ​സ്ത്ര​പ​ര​മാ​യ മാ​റ്റം എ​ന്നി​വ​യെ​ല്ലാം വ​രു​ന്ന​തി​നാ​ൽ ഒ​രു വ​ർ​ഷത്തോ​ളം ചി​ത്രീ​ക​ര​ണ​ത്തി​നും സ​മ​യ​മെ​ടു​ത്തു.
കാ​സിമി​ൻറെ അ​ച്ഛ​നും കാ​ൻ​സ​ർ രോ​ഗി​യു​മാ​യ വ്യ​ത്യ​സ്ത​ ക​ഥാ​പാ​ത്ര​ത്തെ​യാ​ണ് ഹ​രീ​ഷ് അ​വ​ത​രി​പ്പി​ക്കു​ന്ന​ത്. അ​ച്ഛ​നും മ​ക​നും ത​മ്മി​ലു​ള്ള ആ​ത്മബ​ന്ധം ചി​ത്ര​ത്തി​ൽ ശ​ക്ത​മാ​ണ്. ഹ​രീ​ഷി​ന് ക​ഥ വ​ള​രെ ഇ​ഷ്ട​പ്പെ​ട്ട​തോ​ടെ ഈ ചി​ത്ര​ത്തി​ൻറെ കോ ​പ്രൊ​ഡ്യൂ​സ​റു​മാ​യി.കാ​സി​മി​ൻറെ ക​ട​ലി​ൻറെ പ​ശ്ചാ​ത്ത​ല സം​ഗീ​ത​വും നിർവ്വഹി​ച്ചി​രി​ക്കു​ന്ന​ത് ശ്യാമപ്രസാദ് തന്നെയാണ്.മു​മ്പ് 'ഒ​രു ഞാ​യ​റാ​ഴ്ച​' എന്ന സിനിമയു​ടെ പ​ശ്ചാ​ത്ത​ല സം​ഗീ​ത​വും ശ്യാമപ്രസാദ് നിർവ്വഹിച്ചിരുന്നു. എഡിറ്റർ-അരവിന്ദ് മന്മഥൻ, പ്രൊഡക്ഷൻ കൺട്രോളർ-രാജീവ് കുടപ്പനക്കുന്ന്, കലാസംവിധാനം-രാജു ചെമ്മണ്ണിൽ, വസ്ത്രാലങ്കാരം-അമൃത ശിവദാസ്, മേക്കപ്പ്-മിട്ട ജോസഫ്, ലൊക്കേഷൻ സൗണ്ട്- സന്ദീപ് കുറിശ്ശേരി,ഫസ്റ്റ് എഡിറ്റർ-റിത്വിക് ബൈജു ചന്ദ്രൻ,കാസ്റ്റിംഗ്-സജി തുളസീദാസ്,സ്റ്റിൽസ്-ഷാലു പേയാട്,സാബു കോട്ടപ്പുറം.

Content Highlights: Kasiminte Kadal, Syama Prasad, Stuttgart film festival Germany, Hareesh Uthaman