ജോജി മുതൽ യുവരത്ന വരെ, ആമസോൺ പ്രൈം വീഡിയോയിൽ മാത്രമായി സ്ട്രീമിംഗ് ചെയ്യുന്ന അഞ്ച് സിനിമകൾ
അഞ്ച് ചിത്രങ്ങളുമായി ഉത്സവകാലം ആഘോഷമാക്കാനൊരുങ്ങി ആമസോൺ പ്രൈം. മലയാള ചിത്രങ്ങളായ ജോജി, ദി പ്രീസ്റ്റ്, തെലുങ്ക് ചിത്രം ജതി രത്നാലു, കന്നഡ ചിത്രം യുവരത്ന, തമിഴ് ചിത്രം അൻബിർക്കിനിയാൾ എന്നിവയാണ് പ്രേക്ഷകർക്കായി ആമസോൺ പ്രൈം ഒരുക്കിയിരിക്കുന്നത്.
ജോജി
ഫഹദ് ഫാസിലിനെ നായകനാക്കി ദിലീഷ് പോത്തൻ സംവിധാനം ചെയ്ത മലയാള ക്രൈം ഡ്രാമ ചിത്രമാണ് ഈ ജോജി. ബാബുരാജ്, ഷമ്മി തിലകൻ, ബേസിൽ ജോസഫ് എന്നിവരും അഭിനയിക്കുന്നു. വില്യം ഷേക്സ്പിയറുടെ മക്ബെത്തിൽ നിന്ന് പ്രചോദനം ഉൾക്കൊണ്ടാണ് ജോജി ഒരുക്കിയിരിക്കുന്നത്. 2021 ഏപ്രിൽ 09 ന് റിലീസ് ചെയ്ത ഈ ചിത്രം നിങ്ങൾക്ക് ആമസോൺ പ്രൈം വീഡിയോയിൽ മാത്രം കാണാൻ കഴിയും.
ജതി രത്നാലു
മികച്ച നർമ്മവും തിരക്കഥയും ഉള്ള ഒരു തെലുങ്ക് നാടക കോമഡി ചിത്രമാണ് ജതി രത്ലാനു. അനുദീപ് കെ.വി. തിരക്കഥയെഴുതി സംവിധാനം ചെയ്യുന്ന ചിത്രത്തിൽ നവീൻ പോളിഷെട്ടി, പ്രിയദർശിനി, രാഹുൽ രാമകൃഷ്ണ, ഫരിയ അബ്ദുല്ല എന്നിവർ അഭിനയിക്കുന്നു. ജീവിതം പൂർണ്ണമായും ആസ്വദിക്കുകയും മെച്ചപ്പെട്ട ജീവിതത്തിനായി ഒരു നഗരത്തിലേക്ക് ചേക്കേറുകയും എന്നാൽ അവർ ചെയ്യാത്ത കുറ്റത്തിന് ബാറുകളിൽ ഒളിച്ചിരിക്കേണ്ടി വരുകയും ചെയ്യുന്ന സന്തോഷത്തോടെയും ഭാഗ്യത്തോടെയും ജീവിക്കണം എന്നാഗ്രഹിക്കുന്ന മൂന്ന് ചെറുപ്പകകരുടെ കഥ പറയുന്നു.
യുവരത്ന
പുനീത് രാജ്കുമാർ, പ്രകാശ് രാജ്, സയേഷ, സോനു ഗൗഡ എന്നിവർ അഭിനയിക്കുന്ന ഈ കന്നഡ ആക്ഷൻ-ഡ്രാമ സംവിധാനം ചെയ്യുന്നത് സന്തോഷ് ആനന്ദ്രാം ആണ്. വിദ്യാഭ്യാസ സമ്പ്രദായത്തിന്റെയും രാഷ്ട്രീയത്തിന്റെയും സ്വകാര്യവൽക്കരണത്തെത്തുടർന്ന് അടച്ചുപൂട്ടുന്ന ഒരു പ്രശസ്ത കോളേജിന്റെ കഥയാണ് ഈ ചിത്രം പറയുന്നത്.
ദി പ്രീസ്റ്റ്
ഒരു ഹൊറർ മിസ്റ്ററി മലയാള ചിത്രമാണ് ദി പ്രീസ്റ്റ്. മമ്മൂട്ടി വൈദികനായെത്തുന്ന ചിത്രത്തിൽ മഞ്ജു വാരിയർ, നിഖില വിമൽ, സാനിയ ഇയ്യപ്പൻ, ബേബി മോണിക്ക എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. നവാഗതനായ ജോഫിൻ ടി ചാക്കോയാണ് സംവിധാനം.
അൻബിർകിനിയാൽ
മലയാള ചിത്രം ഹെലന്റെ തമിഴ് റീമേയ്ക്കാണ് അൻബിർക്കിനിയാൽ. കീർത്തി പാണ്ഡ്യൻ, സി അരുൺപാണ്ടിയൻ, പ്രവീൺ രാജ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. മരണത്തിൽ നിന്ന് സ്വയം രക്ഷിക്കാൻ ഒരു സ്ത്രീ തന്റെ വിവേകവും ബുദ്ധിയും ഉപയോഗിക്കുന്നതാണ് ചിത്രം പറയുന്നത്. ഗോകുലാണ് സംവിധാനം.
Content Highlights : Joji Jathi Ratnalu The Priest Anbirkkiniyaal Yuvaratna New movies on Amazon Prime
Content Highlights: