ഇന്ത്യൻ ബോക്‌സ് ഓഫീസ് ഭരിക്കാൻ ഹോളിവുഡ് ചിത്രങ്ങൾ; മേയിലും ജൂണിലും നീണ്ടനിര
മേയ്, ജൂൺ മാസങ്ങളിലായി ഇന്ത്യൻ തിയേറ്ററുകൾ കീഴയക്കാനൊരുങ്ങി ഹോളിവുഡ് ചിത്രങ്ങൾ. എല്ലാതരം പ്രേക്ഷകർക്കും പ്രിയ്യപ്പെട്ട ഹോളിവുഡ് ചിത്രങ്ങളാണ് രണ്ടുമാസങ്ങളിലായി പുറത്തിറങ്ങാനിരിക്കുന്നത്. അടുത്ത ഏതാനും മാസങ്ങളിലായി വലിയ ബോളിവുഡ് ചിത്രങ്ങൾ പുറത്തിറങ്ങാനില്ലെന്നതും ശ്രദ്ധേയമാണ്.
വേനൽക്കാലത്തെ വലിയ റിലീസുകൾക്ക് തുടക്കം കുറിച്ച് ദ ഡെവിൾ വിയേഴ്‌സ് പ്രാഡ 2 കഴിഞ്ഞദിവസം പുറത്തിറങ്ങി. സ്റ്റാർ വാർസ്: ദ മൻഡലോറിയൻ ആൻഡ് ഗ്രോഗു മേയ് 22-ന് തിയേറ്ററിലെത്തും. സീസണിൽ ബോക്‌സ് ഓഫീസിൽ വലിയ നേട്ടമുണ്ടാക്കുമെന്ന് പ്രതീക്ഷിക്കപ്പെടുന്ന സ്‌പൈഡർമാൻ: ബ്രാൻഡ് ന്യൂ ഡേ റിലീസ് ജൂലായ് 31-നാണ്. ടോയ് സ്റ്റോറി 5 ജൂൺ 19-ന് റിലീസ് ചെയ്യും.
കുടുംബങ്ങളെയും കുട്ടികളെയും ആകർഷിക്കുന്ന മിനിയൻസ് ആൻഡ് മോൺസ്റ്റേഴ്‌സ്, മോവാന എന്നീ ചിത്രങ്ങളും ഈ വേനൽക്കാലത്ത് തിയേറ്ററുകളിലെത്തും. ഇവയെക്കൂടാതെ സ്റ്റീവൻ സ്പീൽബർഗിന്റെ 1975-ലെ ക്ലാസിക് ചിത്രമായ ജോസിന്റെ 4K പതിപ്പും സീസണിൽ വീണ്ടും റിലീസ് ചെയ്യുന്നുണ്ട്. വർഷത്തിന്റെ രണ്ടാംപകുതിയിൽ അവഞ്ചേഴ്സ്: ഡൂംസ്ഡേ, ഡ്യൂൺ: പാർട്ട് ത്രീ, ക്രിസ്റ്റഫർ നോളന്റെ ദ ഒഡീസി എന്നീ വമ്പൻ ചിത്രങ്ങളും റിലീസിനായി ഒരുങ്ങുന്നുണ്ട്‌.
Content Highlights: Hollywood dominates the Indian summer box office due to a lack of major Bollywood releases. Highly anticipated titles include Star Wars: The Mandalorian and Grogu and Toy Story 5. Classic cinema returns with a 4K re-release of Steven Spielberg's Jaws. Major blockbusters like Avengers: Doomsday and Dune: Part Three scheduled for late 2026