FEFKA എഡിറ്റേഴ്സ് യൂണിയന് പുതിയ ഭാരവാഹികളായി; വിപിൻ എം.ജി. പ്രസിഡന്റ്, പ്രസീദ് നാരായണൻ ജനറൽ സെക്രട്ടറി

കൊച്ചി: ഫെഫ്ക എഡിറ്റേഴ്സ് യൂണിയന്റെ 2026–29 കാലയളവിലേക്കുള്ള പുതിയ ഭരണസമിതി അംഗങ്ങളെ തിരഞ്ഞെടുത്തു. വിപിൻ എം.ജി. പ്രസിഡന്റായും പ്രസീദ് നാരായണൻ ജനറൽ സെക്രട്ടറിയായും കപിൽ കൃഷ്ണ ട്രഷററായും ചുമതലയേറ്റു.

എൽ. ഭൂമിനാഥൻ, പ്രവീൺ പ്രഭാകർ എന്നിവർ വൈസ് പ്രസിഡന്റുമാരായി തിരഞ്ഞെടുക്കപ്പെട്ടു. മാളവിക വി.എൻ, നിഖിൽ വേണു എന്നിവരാണ് ജോയിന്റ് സെക്രട്ടറിമാർ. എക്സിക്യൂട്ടീവ് കമ്മിറ്റി അംഗങ്ങളായി പി.സി. മോഹനൻ, മനോജ് കണ്ണോത്ത്, സൂരാജ് എസ്, ജോൺകുട്ടി, സന്ദീപ് നന്ദകുമാർ, ശ്യാം ശശിധരൻ എന്നിവരേയും തിരഞ്ഞെടുത്തു.

എഡിറ്റർമാരുടെ സംഘടനയെ കൂടുതൽ ശക്തിപ്പെടുത്തുന്നതിനും അംഗങ്ങളുടെ ക്ഷേമവും പ്രൊഫഷണൽ താൽപര്യങ്ങളും സംരക്ഷിക്കുന്നതിനുമുള്ള പ്രവർത്തനങ്ങൾക്ക് പുതിയ ഭരണസമിതി നേതൃത്വം നൽകുമെന്ന് പ്രസിഡൻ്റ് വിപിൻ എം.ജി പറഞ്ഞു.

Content Highlights: The FEFKA Editors Union has officially elected its new office bearers for the 2026–29 tenure, with Vipin M.G. as President, Praseed Narayanan as General Secretary, and Kapil Krishna as Treasurer.