കേന്ദ്ര കഥാപാത്രങ്ങളായി വിഷ്ണു ഉണ്ണികൃഷ്ണനും പൂജയും മുന്നയും; രാജേഷ് ബാബു കെ. ശൂരനാടിന്റെ 'എന്നും' ടീസർ

ചലച്ചിത്ര നിർമ്മാതാവായും, സംഗീത സംവിധായകനായും മലയാള സിനിമാരംഗത്ത് ശ്രദ്ധേയനായ രാജേഷ് ബാബു കെ. ശൂരനാട് ആദ്യമായി തിരക്കഥയെഴുതി സംവിധാനം ചെയ്യുന്ന സിനിമയാണ് എന്നും. ഏറെ പുതുമയുണർത്തുന്ന ചിത്രത്തിന്റെ ടീസർ പുറത്തിറങ്ങി. സിനിമ ഉടനെ പ്രേക്ഷകരിലെത്തും.

ഇരുപതിലധികം സിനിമകൾക്ക് സംഗീതമൊരുക്കിയിട്ടുള്ള രാജേഷ് ബാബു പെർഫ്യൂം - ഹെർ ഫ്രാഗ്രൻസ്, ബൈനറി, ഴ, ഇനി എന്നീ സിനിമകൾ നിർമ്മിച്ചിട്ടുണ്ട്. ചിത്രത്തിന്റെ ടീസറിന് മികച്ച പ്രതികരണമാണ് ഇപ്പോൾ ലഭിച്ചിരിക്കുന്നത്. അഭിനേതാവ് കൂടിയായ ഷനൂപാണ് ചിത്രത്തിന്റെ പ്രൊഡക്ഷൻ കൺട്രോളർ.

വിഷ്ണു ഉണ്ണികൃഷ്ണനും പൂജയും കേന്ദ്ര കഥാപാത്രങ്ങളാകുന്ന ചിത്രത്തിൽ മുന്ന സൈമൺ, സുധീഷ്, ലാലി പി എം, സോഹൻ സീനുലാൽ, കൈലാഷ്, ഡയാന ഹമീദ്, നവാസ് വള്ളിക്കുന്ന്, അനീഷ് രവി, അൻസിൽ റഹ്മാൻ, ഷനൂപ്, പ്രണവ് മോഹൻ, ശ്രുതി വൈശാഖ്, നൈറ നിഹാർ, അനശ്വര, നിധിഷാ കരുണൻ എന്നിവർ മറ്റു പ്രധാന വേഷങ്ങളിലെത്തുന്നു.
 

സംഗീതത്തിന് പ്രാധാന്യമുള്ള ചിത്രത്തിനായി കൈതപ്രം ദാമോദരൻ നമ്പൂതിരി, വയലാർ ശരത്‌ചന്ദ്ര വർമ്മ, പി.കെ ഗോപി, മിത്രൻ വിശ്വനാഥ്, സുധി, അലി എന്നിവർ ഗാനങ്ങൾ രചിക്കുന്നു. വളരെ വ്യത്യസ്തമായ ഒരു സൗഹൃദത്തിന്റെ കഥയാണ് ചിത്രം പറയുന്നത്. പി.ആർ.ഒ -പി.ആർ സുമേരൻ.

Content Highlights: The official teaser for Ennum, a music-oriented Malayalam film centered on a unique friendship that marks the directorial and screenwriting debut of film producer-composer Rajesh Babu K. Sooranad and stars Vishnu Unnikrishnan in the lead, has been released to warm audience reception.