മിഥുൻ മാനുവലിന്റെ തിരക്കഥ, പ്രധാനവേഷത്തിൽ അജു വർഗീസ്; ഹൊറർ ത്രില്ലർ 'ഫീനിക്സ്' ട്രെയിലർ

ഹൊറർ ത്രില്ലർ ചിത്രം 'ഫീനിക്സി'ന്റെ ട്രെയിലർ പുറത്തിറങ്ങി. ഗരുഡന്റെ വിജയത്തിന് ശേഷം മിഥുൻ മാനുവൽ തോമസിന്റെ തിരക്കഥയിൽ ഒരുങ്ങുന്ന ചിത്രമാണിത്. മിഥുൻ മാനുവലിന്റെ പ്രധാന സഹായിയായിരുന്ന വിഷ്ണു ഭരതനാണ് ഈ ചിത്രം കഥയെഴുതി സംവിധാനം ചെയ്യുന്നത്.

യഥാർത്ഥ സംഭവത്തെ ആസ്പദമാക്കി ഒരുക്കിയ ചിത്രം വ്യത്യസ്തമായ പാറ്റേണിൽ ഒരു പുതിയ കാഴ്ച്ചാനുഭവം നൽകുമെന്ന് ട്രെയിലർ സൂചിപ്പിക്കുന്നു. അജു വർഗീസ്, അനൂപ് വർഗീസ്, ചന്തു നാഥ് എന്നിവരാണ് കേന്ദ്രകഥാപാത്രങ്ങളെ അവതരിപ്പിക്കുന്നത്. അനൂപ് മേനോന്റെ കരിയറിലെ വ്യത്യസ്തമായ ഒരു കഥാപാത്രമാവും ചിത്രത്തിലേതെന്നാണ് സൂചന. ഡോ. റോണി അജി ജോൺ, അജിത് തലപ്പള്ളി, ആശാ അരവിന്ദ്, നിജില. കെ. ബേബി, സിനി ഏബ്രഹാം, ജെസ് സ്വീജൻ, അബ്രാം രതീഷ്, ആവണി എന്നിവരും പ്രധാന വേഷങ്ങളിലുണ്ട്.

'21 ഗ്രാംസ്' എന്ന സൂപ്പർ ഹിറ്റ് ചിത്രത്തിന്റെ വിജയത്തിന് ശേഷം ഫ്രണ്ട് റോ പ്രൊഡക്ഷൻസിന്റെ ബാനറിൽ റിനീഷ് കെ.എൻ ഈ ചിത്രം നിർമ്മിക്കുന്നു. നേരത്തെ പുറത്തിറങ്ങിയ ചിത്രത്തിന്റെ ടൈറ്റിൽ പോസ്റ്ററും ഗാനവും ശ്രദ്ധ നേടിയിരുന്നു. നവംബർ പതിനേഴിന് ചിത്രം പ്രദർശനത്തിനെത്തും.

ഛായാഗ്രഹണം - ആൽബി, എഡിറ്റിംഗ് - നിധീഷ് കെ. ടി. ആർ, ഗാനങ്ങൾ - വിനായക് ശശികുമാർ, സംഗീതം - സാം സി. എസ്, സ്റ്റോറി ഐഡിയ - ബിഗിൽ ബാലകൃഷ്ണൻ,  എക്സിക്യൂട്ടീവ് പ്രൊഡ്യൂസർ -ഷിനോജ് ഓടാണ്ടിയിൽ, പ്രൊഡക്ഷൻ കൺട്രോളർ -കിഷോർ പുറകാട്ടിരി, മേക്കപ്പ് -റോണെക്സ് സേവ്യർ, കോസ്റ്റ്യൂം -ഡിനോ ഡേവിസ്, ചീഫ് അസോസിയേറ്റ് രാഹുൽ ആർ ശർമ്മ, പി.ആർ.ഒ - വാഴൂർ ജോസ്, സ്റ്റിൽസ് -റിച്ചാർഡ് ആന്റണി, മാർക്കറ്റിങ് - ഒബ്സ്ക്യുറ, പരസ്യകല -യെല്ലോടൂത്ത്. 

Content Highlights: aju varghese anoop menon in phoenix movie trailer released