'ശരണ്യ എവിടെ പരിപാടി അവതരിപ്പിച്ചാലും ഇതാണ് അവസ്ഥ'; ഹിറ്റായി 'അശുഭ മംഗളകാരി'

തണ്ണീർമത്തൻ ദിനങ്ങൾ എന്ന ചിത്രത്തിന്  ശേഷം ഗിരീഷ് എ.ഡി സംവിധാനം ചെയ്യുന്ന സൂപ്പർ ശരണ്യയിലെ ​ഗാനം പുറത്തിറങ്ങി. അശുഭ മം​ഗളകാരി എന്ന ​ഗാനം മീര ജോണിയും ശരത് ചേട്ടൻപടിയും ചേർന്നാണ് ആലപിച്ചിരിക്കുന്നത്. സുഹൈൽ കോയയുടെ വരികൾക്ക് ഈണമിട്ടിരിക്കുന്നത് ജസ്റ്റിൻ വർഗ്ഗീസാണ്‌. നാലു പെൺകുട്ടികളുടെ, കോളേജിലെയും ഹോസ്റ്റലിലേയും അനുഭവങ്ങളാണ് നർമത്തിൽ ചാലിച്ച് ​ഗാനരം​ഗത്തിൽ അവതരിപ്പിച്ചിരിക്കുന്നത്. 

അർജുൻ അശോകൻ നായകനായെത്തുന്ന ചിത്രത്തിൽ ടൈറ്റിൽ റോളിലെത്തുന്നത് അനശ്വര രാജൻ ആണ്. 

മമിത ബൈജു, ദേവിക ഗോപാൽ നായർ, റോസ്ന ജോഷി, വിനീത് വിശ്വം, നസ്‌ലൻ, ബിന്ദു പണിക്കർ, മണികണ്ഠൻ പട്ടാമ്പി, സജിൻ ചെറുകയിൽ, വരുൺ ധാരാ, വിനീത് വാസുദേവൻ, ശ്രീകാന്ത് വെട്ടിയാർ, സ്നേഹ ബാബു, ജ്യോതി വിജയകുമാർ, പാർവതി അയ്യപ്പദാസ്,കീർത്തന ശ്രീകുമാർ, അനഘ ബിജു, ജിമ്മി ഡാനി, സനത്ത് ശിവരാജ്, അരവിന്ദ് ഹരിദാസ്, സനോവർ കൂടാതെ നിരവധി പുതുമുഖങ്ങളും ചിത്രത്തിൽ അണിനിരക്കുന്നു.

സജിത് പുരുഷൻ ആണ് ചിത്രത്തിൻ്റെ ഛായാഗ്രാഹകൻ. ആകാശ് ജോസഫ് വർഗീസ് ചിത്രസംയോജനവും നിർവ്വഹിക്കുന്നു. ആർട്ട്: നിമേഷ് താനൂർ, കോസ്റ്റ്യൂം ഡിസൈനർ: ഫെമിന ജബ്ബാർ, സൗണ്ട് ഡിസൈൻ: കെ സി സിദ്ധാർത്ഥൻ, ശങ്കരൻ എ എസ്, സൗണ്ട് മിക്സിംഗ്: വിഷ്ണു സുജാതൻ, മേക്കപ്പ്: സിനൂപ് രാജ്, ഡിസൈൻസ്: പ്രതുൽ എൻ ടി, ചീഫ് അസോസിയേറ്റ്: സുഹൈൽ എം, പ്രൊഡക്ഷൻ കൺട്രോളർ: അലക്സ് ഈ കുര്യൻ, പ്രൊഡക്ഷൻ എക്സിക്യൂറ്റീവ്സ്: നോബിൾ ജേക്കബ്, രാജേഷ് മേനോൻ, പ്രൊഡക്ഷൻ മാനേജർ: എബി കുര്യൻ, ഫിനാൻസ് കൺട്രോളർ: ഉദയൻ കപ്രാശേരി,  സ്റ്റിൽസ്: അജി മസ്കറ്റ്‌, പി.ആർ.ഓ: മഞ്ജു ഗോപിനാഥ്, ഡിജിറ്റൽ മാർക്കറ്റിംഗ്‌: ഹെയിൻസ്‌.

Content Highlights : Super Sharanya Song Anaswara Rajan Justin Varghese Girish AD

Content Highlights: