സത്യനെ വശീകരിക്കുന്ന ശാരദ; മറക്കാനാവാത്ത ഗാനരംഗം

അമ്മയ്ക്കും വല്യമ്മയ്ക്കും ശാരദപ്പടങ്ങളോടാണ് കമ്പം. കുടുംബകഥകളാവും. വൈകാരിക മുഹൂര്‍ത്തങ്ങള്‍ നിരവധിയുണ്ടാകും; മേമ്പൊടിക്ക് ദുഃഖഗാനങ്ങളും. കൊട്ടകയിലെ ഇരുട്ടിലിരുന്ന് ഇടയ്ക്കിടെ വിതുമ്പാം; കണ്ണീരൊപ്പാം. ആനന്ദലബ്ധിക്കിനി എന്തുവേണം?

നേരെ മറിച്ചാണ് ഞങ്ങള്‍ കുട്ടികളുടെ സ്ഥിതി. കരച്ചില്‍ സഹിക്കാനേ വയ്യ. ചിരിപ്പിക്കുന്നതാവണം സിനിമ. ഇടയ്ക്കിടെ സ്റ്റണ്ട് വേണം. പാട്ട് നിര്‍ബന്ധമില്ല. ഉണ്ടെങ്കില്‍ത്തന്നെ കരച്ചില്‍പ്പാട്ടുകള്‍ വേണ്ടേ വേണ്ട. ഭാസി-ബഹദൂര്‍ കോമഡി നിര്‍ബന്ധം. ചുണ്ടിലൊരു ചിരിയോടെ വേണം കൊട്ടകയില്‍ നിന്നിറങ്ങിപ്പോരാന്‍. വെള്ളിത്തിരയിലെ ദുഃഖപുത്രിയായ ശാരദയുടെ സിനിമകളില്‍ നിന്ന് അതൊന്നും കിട്ടുമെന്ന പ്രതീക്ഷ വേണ്ട. അഥവാ അങ്ങനെയായിരുന്നു ഞങ്ങളുടെ 'പിഞ്ചു'മനസ്സുകളുടെ ധാരണ.

Content Highlights: Sharada, Malayalam cinema, film songs, P. Susheela, S. Janaki, playback singer, nostalgic songs