അപ്രത്യക്ഷനായ 'മമ്മി' നായകന്, നിഷ്കളങ്കനായ സാഹസികന്, കരിയര് തകര്ച്ച; തിരിച്ചുവരവില് ഓസ്കര്
തികച്ചും അപ്രതീക്ഷിതമായിരുന്നു ഐതിഹാസികമായ ആ തിരിച്ചുവരവ്. താരസിംഹാസനത്തില്നിന്ന് പെട്ടെന്ന് ഇറങ്ങിപ്പോയി കാലങ്ങള്ക്കുശേഷം ഞെട്ടിക്കുന്ന മടങ്ങിവരവ്. ലോസ് അഞ്ജലിസിലെ ഡോള്ബി തിയേറ്ററില് കഴിഞ്ഞദിവസം ബ്രെന്ഡന് ഫ്രേസര് മികച്ച നടനുള്ള ഓസ്കാര് ഏറ്റുവാങ്ങിയപ്പോള് ചരിത്രം അതിനെ ഐതിഹാസിക നിമിഷം എന്ന് രേഖപ്പെടുത്തി. അതങ്ങനെയാണ്, ജീവിതം അതിന്റെ അപ്രവചനീയതകൊണ്ട് മനുഷ്യന്റെ മുന്വിധികളെ തകര്ത്തുകൊണ്ടിരിക്കും, പ്രതീക്ഷകളെ തകിടംമറിച്ചുകൊണ്ടിരിക്കും.
ദി വെയ്ല് എന്ന ചിത്രത്തിലെ അഭിനയത്തിന് മികച്ച നടനുള്ള ഓസ്കാര് ബ്രെന്ഡന് ഫ്രേസറിന് സമ്മാനിക്കപ്പെട്ടപ്പോള് ഡോള്ബി തിയേറ്ററില് ഉയര്ന്ന കരഘോഷത്തിന് വലിയ മുഴക്കമുണ്ടായിരുന്നു. 54 വയസ്സിനിടയില് അദ്ദേഹം കടന്നുപോയ ഉയര്ച്ചതാഴ്ചകളുടെ, നേരിടേണ്ടിവന്ന പരിഹാസങ്ങളുടെ, രോഗാതുരതയുടെ, മനംമടുപ്പിച്ച ജീവിതനൈരാശ്യങ്ങളുടെ കനത്ത പൊള്ളലുകളെ ആ ശബ്ദാരവങ്ങള് സൗഖ്യപ്പെടുത്തിയിരിക്കണം. വിതുമ്പുന്ന ചുണ്ടുകളോടെ നന്ദിപറയുമ്പോള് അതുതന്നെയാണ് ലോകം ഫ്രേസറുടെ ഈറനണിഞ്ഞ കണ്ണുകളിൽ കണ്ടത്.
Content Highlights: Brendan Fraser wins best actor Oscar for The Whale