അനിശ്ചിതത്വം ഉടനെ അവസാനിക്കില്ല: ചില സെക്ടറുകളില്‍ മുന്നേറ്റം തുടര്‍ന്നേക്കാം
രാജ്യത്തെ ഓഹരി വിപണിയില്‍ വിദേശ നിക്ഷേപങ്ങളേക്കാള്‍ കൂടുതല്‍ കാര്യക്ഷമമായ പങ്കാളിത്തം ചെറുകിട നിക്ഷേപകരുടേതായിരിക്കുമെന്ന് പ്രതീക്ഷയുണ്ടായിരുന്നു. ഇത് സാക്ഷാത്കരിക്കപ്പെടുകയും ചെയ്തു. കഴിഞ്ഞ മൂന്നു നാലു വര്‍ഷമായി ആഭ്യന്തര നിക്ഷേപങ്ങള്‍ ശക്തമായ സാമ്പത്തിക സംസ്‌കാരത്തിന്റെ പിന്തുണയോടെ വിദേശ സ്ഥാപന നിക്ഷേപങ്ങളേക്കാള്‍ വേഗത്തില്‍ വളര്‍ച്ച രേഖപ്പെടുത്തി. പോര്‍ട്ഫോളിയോ വൈവിധ്യവല്‍ക്കരണത്തില്‍ ശ്രദ്ധ കേന്ദ്രീകരിക്കുന്ന ആഭ്യന്തര നിക്ഷേപകരെ കൂടുതല്‍ ആകര്‍ഷിക്കുന്നത് ഇപ്പോള്‍ ഓഹരികളാണ്. ബാങ്ക് ഡിപ്പോസിറ്റ്, സ്വര്‍ണ്ണം, റിയല്‍ എസ്റ്റേറ്റ് എന്നിവയെ അപേക്ഷിച്ച് ദീര്‍ഘ കാലാടിസ്ഥാനത്തില്‍ സമ്പത്ത് സ്വരൂപിക്കുന്നതിന് ഏറ്റവും അനുയോജ്യം ഓഹരി വിപണിയാണെന്ന് അവര്‍ മനസിലാക്കിക്കഴിഞ്ഞു.
മ്യൂച്വല്‍ ഫണ്ടിലൂടെ 2024ല്‍ 4.3 ലക്ഷം കോടി രൂപയാണ് നിക്ഷേപിച്ചത്. ചെറുകിട നിക്ഷേപകരുടെ സംഭാവനയായ 1.2 ലക്ഷം കോടി രൂപ ഇന്ത്യയില്‍ ഇതുവരെ ഉണ്ടായിട്ടുള്ളതില്‍ ഏറ്റവും വലിയ നിക്ഷേപ തുകയാണ്. ഇതേ കാലയളവില്‍ വിദേശ സ്ഥാപന നിക്ഷേപങ്ങളിലൂടെ 9,600 കോടി രൂപ പുറത്തേക്കൊഴുകി. കഴിഞ്ഞ മൂന്നു നാലു വര്‍ഷങ്ങളായി ആഭ്യന്തര ഓഹരി വിപണിയിലേക്കുണ്ടായ പണമൊഴുക്കു കാരണം ചെറുകിട നിക്ഷേപകരുടെ ഇഷ്ട വിഭാഗമായ ഇടത്തരം, ചെറുകിട ഓഹരികളില്‍ വലിയ കുതിപ്പുണ്ടായി.
Content Highlights: Stock Market: Retail Investor Dominance & Future Outlook