ബാങ്ക് വാഗ്ദാനം ചെയ്യുന്ന പലിശ കയ്യിൽ കിട്ടാത്തത് എന്തുകൊണ്ട്; ആദായത്തിലെ കുറവ് എങ്ങനെ പരിഹരിക്കാം?

Image: Freepik
Image: Freepik

കഴിഞ്ഞ വർഷമാണ് രമേഷ് പത്തുലക്ഷം രൂപ അഞ്ചുവർഷക്കാലയളവിൽ ബാങ്കിൽ സ്ഥിരനിക്ഷേപമിട്ടത്. 6.35 ശതമാനമായിരുന്നു പലിശ. ഇതുപ്രകാരം കാലാവധിയെത്തുമ്പോൾ പലിശയിനത്തിൽ 3.60 ലക്ഷം രൂപ ലഭിക്കുമെന്നായിരുന്നു കരുതിയിരുന്നത്. 30 ശതമാനം നികുതി സ്ലാബിൽ വരുന്നതിനാൽ പലിശയുടെ ടി.ഡി.എസ്. കിഴിച്ചുള്ള തുകയാണ് ലഭിക്കുകയെന്ന് പിന്നീടാണ് അറിഞ്ഞത്. അതുപ്രകാരം ലഭിക്കുന്ന റിട്ടേൺ 4.60 ശതമാനം മാത്രവും. അതായത് അഞ്ചുവർഷം പൂർത്തിയായാൽ നികുതി പിടിച്ചശേഷം കൈയിൽ കിട്ടുക 2.52 ലക്ഷം രൂപമാത്രം. പ്രതീക്ഷിച്ച വരുമാനത്തിൽനിന്ന് 1.08 ലക്ഷത്തോളം നികുതിയിനത്തിൽ നൽകേണ്ടിവരും.

ബാങ്കിലെ ഉറപ്പുള്ള വരുമാനവും ഉയർന്ന പലിശയും മോഹിച്ച് സ്ഥിരനിക്ഷേപമിടുന്നവർ തുടക്കത്തിൽ ഇതേക്കുറിച്ച് അത്രതന്നെ അറിവുള്ളവരായിരിക്കണമെന്നില്ല. ഉയർന്ന നികുതി സ്ലാബിലുള്ളവർക്ക് ബാങ്ക് വാഗ്ദാനം ചെയ്യുന്ന പലിശയും നികുതിക്കുശേഷം ലഭിക്കുന്ന ആദായവും തമ്മിൽ കാര്യമായ വ്യത്യാസം കാണാം. ഇവിടെ 6.35 ശതമാനം പലിശ പ്രകാരം നിക്ഷേപിച്ചാൽ നികുതി കിഴിച്ച് ലഭിക്കുന്ന ആദായം 4.60 ശതമാനം മാത്രമാണ്. അതായത് 30 ശതമാനം നികുതി സ്ലാബിൽ വരുന്ന നിക്ഷേപകന് അഞ്ചുവർഷക്കാലയളവിലെ 6.35 ശതമാനം പലിശയും നികുതിക്കുശേഷം ലഭിക്കുന്ന ആദായവും (4.60 ശതമാനം) തമ്മിൽ 1.75 ശതമാനത്തിന്റെ വ്യത്യാസമുണ്ടാകും.

Content Highlights: TDS and high tax slabs significantly reduce actual bank fixed deposit returns., Post-tax returns on FDs often fall below the inflation rate, leading to negative real returns., Investing a portion in short-term debt funds can help achieve higher post-tax yields (7-8%)., Growth option debt mutual funds defer tax liability until redemption, enabling compounding benefits.

Continue reading