ഡിസംബറില് പലിശ കുറച്ചേക്കും: പണനയ നിലപാട് 'നിഷ്പക്ഷം', ഇതൊരു സൂചന
തുടര്ച്ചയായി പത്താം തവണയും റിസര്വ് ബാങ്ക് നിരക്കില് മാറ്റംവരുത്തിയില്ല. അതേസമയം, അടുത്ത തവണ നിരക്ക് കുറച്ചേക്കുമെന്ന വ്യക്തമായ സൂചനയും ആര്.ബി.ഐ ഗവര്ണര് ശക്തികാന്ത ദാസ് നല്കി. പണനയ നിലപാട് 'ഉള്ക്കൊള്ളാവുന്നത്' ല്നിന്ന് 'നിഷ്പക്ഷം' (ന്യൂട്രല്) ആക്കിയെന്നതാണ് ശ്രദ്ധേയം. വിലക്കയറ്റം നിലവിലെ രീതിയിലാണെങ്കില് പോലും അടുത്ത തവണ നിരക്ക് കുറയ്ക്കുമെന്നതിന്റെ വ്യക്തമായ സൂചനയാണിത്.
ബുദ്ധിമുട്ടിയാണ് പണപ്പെരുപ്പത്തെ പിടിച്ചുകെട്ടാനായത്, എന്നാല് അതിനെ നിയന്ത്രണത്തിലാക്കാന് ജാഗ്രത ആവശ്യമാണെന്ന ആര്ബിഐ ഗവര്ണറുടെ വാക്കുകള് നല്കുന്നതും അതേ സൂചനയാണ്. പണപ്പെരുപ്പം നിയന്ത്രിക്കാന് നടത്തിയ പോരാട്ടത്തിന്റെ വലിയൊരു ഭാഗം അവസാനിച്ചുവെന്ന ധാരണ ആര്ബിഐയ്ക്കുണ്ട്. മറ്റൊരുതരത്തില് പറഞ്ഞാല് നിരക്ക് കുറയ്ക്കലിന്റെ പാതയിലേക്ക് പ്രവേശിക്കാറായി എന്ന് ചുരുക്കം.
Content Highlights: RBI Holds Rates Steady for 10th Time, Hints at Cut Next Meeting