ട്രംപിന്റെ നയം തിരിച്ചടിയാകും: സ്വര്‍ണവും വെള്ളിയും കുതിക്കും, ക്രൂഡ് ദുര്‍ബലമാകും

യുഎസ് പ്രസിഡന്റ് ഡൊണാള്‍ഡ് ട്രംപിന്റെ അസ്ഥിരമായ വ്യാപാര നയങ്ങള്‍ ആഗോള ഉത്പന്ന വിപണിക്ക് വെല്ലുവിളി ഉയര്‍ത്തുന്നതിനാല്‍ വിലകളില്‍ വന്‍തോതില്‍ ചാഞ്ചാട്ടം പ്രകടമാണ്. കാനഡ, മെക്സിക്കോ, ചൈന എന്നീ രാജ്യങ്ങള്‍ക്ക് യുഎസ് ഈയിടെ ഏര്‍പ്പെടുത്തിയ തീരുവ ആഗോള വ്യാപാര യുദ്ധത്തിന്റെ ആശങ്കകള്‍ സൃഷ്ടിച്ചിട്ടുണ്ട്. കാനഡയും ചൈനയും യുഎസ് ഉല്‍പന്നങ്ങള്‍ക്ക് മറു ചുങ്കം ഏര്‍പ്പെടുത്തിക്കഴിഞ്ഞു.

തീരുവ യുദ്ധത്തില്‍ നേട്ടമുണ്ടാക്കിയത് സ്വര്‍ണ്ണമാണ്. ലണ്ടന്‍ വിപണിയില്‍ സ്വര്‍ണ്ണം ഔണ്‍സിന് 3000 ഡോളറിനു മുകളിലെത്തി. ഈ വര്‍ഷം ഇതുവരെ വിലയില്‍ 15 ശതമാനത്തിലേറെ നേട്ടമുണ്ടായിട്ടുണ്ട്. ഇന്ത്യയിലെ സ്വര്‍ണ്ണ വിലയും ആനുപാതികമായി വര്‍ധിച്ചു. മുംബൈ കമ്മോഡിറ്റി എക്സ്ചേഞ്ചില്‍ 10 ഗ്രാമിന് 88,800 രൂപ എന്ന സര്‍വ കാല റിക്കാഡ് വിലയിലാണ് കഴിഞ്ഞാഴ്ച വില്‍പന നടന്നത്.

Content Highlights: Global trade tensions fueled by Trump`s policies cause volatile commodity markets.