സ്വർണവും വെള്ളിയും: 2026ലും കുതിപ്പ് തുടരുമോ?

വിദേശ വിപണിയിലും ഇന്ത്യയിലും 2025ൽ സ്വർണം റെക്കോഡ് മുന്നേറ്റം നടത്തി. ആഗോള വിപണിയിൽ 70 ശതമാനത്തോളം വർധന രേഖപ്പെടുത്തി ഔൺസിന് 4,500 ഡോളറിലെത്തിയ സ്വർണ വില ഒക്ടോബറിൽ തന്നെ ഔൺസിന് 4000 ഡോളർ പരിധി മറികടന്നിരുന്നു. വെള്ളിയാകട്ടെ 128 ശതമാനം കുതിപ്പോടെ ഔൺസിന് 80 ഡോളറും കടന്നു.

ഇന്ത്യയിൽ കുതിപ്പ് കൂടുതൽ വേഗത്തിലായിരുന്നു. എംസിഎക്സിൽ 10 ഗ്രാമിന് വില 75,000 രൂപയിൽ നിന്ന് 1,39,000-1,40,000 രൂപ വരെയെത്തി. 78 ശതമാനം വർധന. വെള്ളി വിലയാകട്ടെ 144 ശതമാനം വർധിച്ച് കിലോയ്ക്ക് 2.5 ലക്ഷം രൂപയ്ക്കടുത്തെത്തി. ആഭ്യന്തര ചില്ലറ വിൽപന ശാലകളിലും ഈ വർധന പ്രതിഫലിച്ചു. സുരക്ഷിത ആസ്തി എന്ന നിലയിലുള്ള ഡിമാന്റും വ്യാവസായിക രംഗത്തെ വർധിച്ച ആവശ്യവും രൂപയുടെ മൂല്യ ശോഷണവുമാണ് എക്കാലത്തേയും വലിയ ഈ കുതിപ്പിലേക്കു നയിച്ചത്.

Content Highlights: Explore the forecast for gold and silver prices in 2026. Discover factors driving their record-breaking rally and potential future movements.