'അച്ഛനെന്തുകൊണ്ട് ഇങ്ങനെ പെരുമാറിയെന്ന ചോദ്യത്തിന് അത് നിങ്ങളറിയേണ്ടെന്നായിരുന്നു അമ്മയുടെ മറുപടി'

തന്റെ ഭാവനയെ എത്ര കാച്ചിക്കുറുക്കിയാലും മതിവരാത്ത മലയാളസാഹിത്യത്തിന്റെ ഒരേയൊരു വൈലോപ്പിള്ളി ശ്രീധരമേനോന്‍ ഓര്‍മയായിട്ട് മുപ്പത്തിയെട്ട് വര്‍ഷം തികയുന്നു. 'അങ്കണത്തൈമാവില്‍ നിന്നാദ്യത്തെ പഴം വീഴ്കേ' എന്നു തുടങ്ങുന്ന വരിയിലൂടെ മലയാളിയായി പിറന്നവരെയൊന്നാകെ ഇക്കാലമത്രയും കണ്ണീരിലാഴ്ത്തിക്കൊണ്ടേയിരിക്കുന്ന മറ്റൊരു കവി മലയാളത്തിലില്ല എന്നുവേണം പറയാന്‍. കൊയ്ത്തും മെതിയും കുടിയിറക്കലും അണുപരീക്ഷണവും കയ്പവല്ലരിയുമെല്ലാം കവിയുടെ വിഷയങ്ങളായി. മലയാളഭാഷയില്‍ തലയെടുപ്പോടെ നിരന്നുനിന്ന വരികളെല്ലാം വൈലോപ്പിള്ളിയുടെ കാച്ചിക്കുറുക്കലുകളായിരുന്നു. ഇന്ന് നമ്മള്‍ പാടിപ്പുകഴ്ത്തുന്ന വൈലോപ്പിള്ളിക്കവിതകളെല്ലാം തന്നെ അന്തഃസംഘര്‍ഷങ്ങളുടെ തീച്ചൂളയില്‍ വെന്തുപാകമായവയായിരുന്നു. വൈലോപ്പിള്ളിയുടെ വ്യക്തിജീവിതത്തെക്കുറിച്ചും കാവ്യസഞ്ചാരത്തെക്കുറിച്ചും മകന്‍ ഡോ. ടി. ശ്രീകുമാര്‍ സംസാരിക്കുന്നു.

"ഹാ, വിജിഗീഷു മൃത്യുവിന്നാമോ, ജീവിതത്തിന്‍ കൊടിപ്പടം താഴ്ത്താന്‍?" എന്നെഴുതിയ കവിയുടെ ജീവിതത്തിലേക്ക് ഒളിഞ്ഞും തെളിഞ്ഞുമുള്ള നോട്ടങ്ങളെറിയാന്‍ ശ്രമിച്ചവര്‍ എക്കാലവുമുണ്ട്. തന്റെ കാവ്യസരണിയിലേക്ക് എത്തിനോക്കിയവര്‍ക്കെല്ലാം നിര്‍ലോഭം കവിതകള്‍ വാരിക്കോരി കൊടുത്ത വൈലോപ്പിള്ളി സ്വന്തം ജീവിതത്തോടും സ്നേഹത്തോടും ഏറെ പിശുക്കുകാണിച്ചതായിട്ട് മകനെന്ന നിലയില്‍ തോന്നിയിട്ടുണ്ടോ?

Content Highlights: Vyloppilli Sreedhara Menon's son Dr. T. Sreekumar, Interview by Shabitha