നിഖില വിമല്‍ കണ്ട കണ്ണൂര്‍ മുസ്ലിം കല്യാണത്തിലുണ്ട് കാണാതെ പോയ ചില ഉള്‍ക്കാഴ്ചകള്‍ | താഹ മാടായി
കണ്ണൂരിലെ വിവാഹവീടുകളില്‍ പുരുഷന്മാര്‍ക്കും സ്ത്രീകള്‍ക്കും വേറെ വേറെ ഇരിപ്പിടങ്ങളാണ്, മിക്കവാറും സ്ത്രീകള്‍ക്ക് പിറകുവശത്താണ് ഭക്ഷണം കഴിക്കാനുളള പന്തല്‍ എന്ന് പറഞ്ഞതിന് സിനിമാനടി നിഖില വിമലിനെ പലരും വിമര്‍ശിക്കുന്നുണ്ട്. അനുകൂലിക്കുന്നവരുമുണ്ട്. പതിവുപോലെ ഇത്തരം സത്യസന്ധവും സാധാരണവുമായ നടപ്പുരീതി തുറന്നുപറഞ്ഞതിന് ആ നടിക്കെതിരെ 'ക്ഷിപ്രകോപി'കളായ കമന്റുകള്‍ തുടര്‍ച്ചയായി പ്രത്യക്ഷപ്പെടുന്നുണ്ട്. ഒരു അഭിപ്രായ പ്രകടനത്തെ ഇങ്ങനെ താറടിച്ചു കാണിക്കാന്‍ ക്ഷിപ്രകോപികളെ പ്രേരിപ്പിക്കുന്നത് എന്താവാം?
കണ്ണൂര്‍ എന്നത് ഒറ്റവാതിലുള്ള ഒരു ദേശമല്ല. അറക്കലും ചിറക്കലും അന്യോന്യം ഇടകലര്‍ന്നതിലൂടെ രൂപപ്പകര്‍ച്ച സംഭവിച്ച ഒരിടമാണത്.നായര്‍ / മുസ്ലിം താവഴികളുടെ അടിവേരുകളുണ്ട്. തീരദേശത്തെത്തുമ്പോള്‍ മുക്കുവ/ മുസ്ലിം താവഴിയുമുണ്ട്. ഞങ്ങളുടെ വല്യുമ്മ ഏതോ ഒരു നായരുമ്മയായിരിക്കാം. അല്ലെങ്കില്‍, കീഴാള സമുദായഘടനയില്‍ ജീവിച്ചു ഒരമ്മ ഉമ്മയായ ചരിത്രം. ആദിമ ഇസ്ലാം സന്ദേശവാഹകരായി അറേബ്യയില്‍നിന്നു വന്ന മുസ്ലിം പ്രബോധകര്‍ ഇണകളെ കണ്ടെത്തിയത് തദ്ദേശീയരായ സ്ത്രീകളെ നിക്കാഹ് ചെയ്താണ്. ആ സ്ത്രീകള്‍ മുസ്ലിംകള്‍ ആയിരുന്നില്ല. മുസ്ലിം പുതിയാപ്പിളമാര്‍ മങ്ങലം കഴിച്ചു ജീവിതത്തിന്റെ ഭാഗമായതോടു കൂടി അവര്‍ ബീടരായി, അല്ലെങ്കില്‍ ബീവിയായി.
Content Highlights: Nikhila Vimal, Thaha Madayi, Kannur Muslim Marriage, Mathrubhumi