'ജീവിതത്തിലെ ഏറ്റവും വലിയ നഷ്ടത്തിന്റെ ദിവസം'-അമ്മയുടെ ഓർമകളിൽ വിജയരാഘവൻ

അമ്മയുടെ ചരമദിനത്തിൽ വികാരനിർഭരമായ കുറിപ്പ് പങ്കുവെച്ച് നടൻ വിജയരാഘവൻ. അമ്മയുടെ വേർപാട് ജീവിതത്തിലുണ്ടാക്കിയ ശൂന്യതയെ കുറിച്ച് ഫെയ്‌സ്ബുക്കിൽ പങ്കുവെച്ച കുറിപ്പിൽ വിജയരാഘവൻ പറയുന്നു. കൈക്കുഞ്ഞായിരുന്ന വിജയരാഘവനെ കൈയിലെടുത്തിരിക്കുന്ന അമ്മയുടെ ചിത്രവും കുറിപ്പിനൊപ്പം പങ്കുവെച്ചിട്ടുണ്ട്.

'1991 മേയ് 23, എന്റെ ജീവിതത്തിലെ ഏറ്റവും വലിയ നഷ്ടത്തിന്റെ ദിവസം. കാലം കടന്നുപോയെങ്കിലും അമ്മ ഇന്നും എന്റെ ഹൃദയത്തിൽ ജീവിക്കുന്നു.'-വിജയരാഘവൻ കുറിച്ചു. അമ്മയുടെ പഴയ ചിത്രവും ഇതിനൊപ്പം വിജയരാഘവൻ പങ്കുവെച്ചിട്ടുണ്ട്.

മലയാള നാടക ചരിത്രത്തിലെ പ്രതിഭയായ എൻ.എൻ പിള്ളയുടെ ഭാര്യയും നാടക നടിയുമായിരുന്നു വിജയരാഘവന്റെ അമ്മ ചിന്നമ്മ. എൻ.എൻ പിള്ളയുടെ നാടകസംഘത്തിന് എക്കാലത്തും തണലായി നിന്നത് ചിന്നമ്മയായിരുന്നു. തന്റെ അഭിനയജീവിതം രൂപപ്പെടുത്തിയതിൽ അമ്മയുടെ സ്വാധീനത്തെ കുറിച്ച് പലപ്പോഴും വിജയരാഘവൻ അഭിമുഖങ്ങളിൽ പറഞ്ഞിട്ടുണ്ട്.

Content Highlights: Actor Vijayaraghavan commemorates his mother Chinnamma on her death anniversary., Shared a nostalgic childhood photo reflecting on the loss experienced on May 23, 1991., Highlights Chinnamma's significant role in the legacy of NN Pillai's drama troupe., Reflects on the personal impact and influence his mother had on his acting career.