'സഞ്ജുവിന്റെ വൈഫിനെ പോലെ എന്ന് പറയാൻ വരികയായിരുന്നു'; മാറ്റം പങ്കുവെച്ച് ചാരുലത

അഞ്ച് വര്‍ഷത്തെ പ്രണയത്തിനൊടുവില്‍ വിവാഹിതരായവരാണ് മലയാളി ക്രിക്കറ്റ് താരം സ‍ഞ്ജു സാംസണും ചാരുലതയും. 2018 ഡിസംബര്‍ 22-ന് കോവളത്തു വെച്ചായിരുന്നു ഇരുവരുടെയും വിവാഹം. സാമൂഹിക മാധ്യമങ്ങളിൽ ആക്റ്റീവായ ചാരുലത ജീവിതത്തിലെ പ്രധാന കാര്യങ്ങൾ പലതും പലരും സോഷ്യൽ മീഡിയയിൽ പ​ങ്കിടാറുമുണ്ട്. ഇപ്പോഴിതാ കിടിലൻ ട്രാൻസ്ഫർമേഷൻ വീഡിയോ പങ്കുവെച്ചിരിക്കുകയാണ് ചാരുലത.

ഈ വീഡിയോ പോസ്‌റ്റ് ചെയ്യാൻ രണ്ടുതവണ ആലോചിച്ചു എന്നാണ് ചാരുലത ഇൻസ്റ്റ​ഗ്രാമിൽ കുറിച്ചത്. 'മെലിയുന്നത് ജീവിതത്തിലെ ഏറ്റവും വലിയ മാറ്റമാണെന്ന തരത്തിൽ അവതരിപ്പിക്കാൻ തനിക്ക് താത്പര്യമില്ല. നിങ്ങൾ തടിക്കാം, മെലിയാം, വെളുപ്പോ കറുപ്പോ ആകാം. സ്വയം സ്നേഹിക്കൂ,  സന്തോഷമായിരിക്കാൻ ശ്രമിക്കൂ'- ശരീരഭാരം കുറക്കുന്നതിന് മുമ്പും പിമ്പുമുള്ള വീഡിയോ പങ്കുവെച്ച് ചാരുലത കുറിച്ചു. 

അതേസമയം, ചാരുലതയുടെ മാറ്റം ആരാധകരെ അമ്പരപ്പെടുത്തി. പലരും ചാരുലതയെ അഭിനന്ദിച്ച് രം​ഗത്ത് എത്തി. 'സഞ്ജുവിന്റെ വൈഫിനെ പോലെ ഉണ്ട് എന്ന് കമന്റ്‌ ഇടാൻ വരികയായിരുന്നു' എന്നാണ് ഒരാൾ കമന്റ് ചെയ്തത്. 'കുട്ടിമാമ ഞാൻ ഞെട്ടി മാമ' എന്നാണ് മറ്റൊരാൾ കമന്റ് ചെയ്തത്.  

Content Highlights: sanju samson wife charulatha Remesh transformation