പ്ലക്കാര്‍ഡും പിടിച്ച് ഒന്നര മണിക്കൂര്‍ വെയില്‍ കൊണ്ടു; ജോലി വാഗ്ദാനം ചെയ്ത് 50 കമ്പനികള്‍
ജീവിതത്തില്‍ കൃത്യമായി ഒരു വരുമാനം ഉണ്ടാകേണ്ടത് അത്യാവശ്യമാണ്. പഠിച്ചിറങ്ങിയ ഉടന്‍ ജോലി കിട്ടുന്നവരെല്ലാം ഭാഗ്യവാന്‍മാരാണ്. എന്നാല്‍ ഘാനയില്‍ നിന്നുള്ള ഒരു യുവാവിന് ജീവിതത്തില്‍ അത്ര ഭാഗ്യമുണ്ടായിരുന്നില്ല. തന്റെ വിദ്യാഭ്യാസ യോഗ്യതയും ഫോണ്‍ നമ്പറും എഴുതിയ പ്ലക്കാര്‍ഡുമായി റോഡരികില്‍ നിന്ന് തൊഴിലിനായി യാചിക്കേണ്ടി വന്നു ഈ യുവാവിന്. ഐസക് ഖ്വാമേ അഡ്‌സേ എന്ന ബിരുദധാരിയാണ് ആ നിര്‍ഭാഗ്യവാന്‍.
അതിന്റെ ചിത്രം ആരോ പകര്‍ത്തി സോഷ്യല്‍ മീഡിയയില്‍ പങ്കുവെച്ചതോടെ ഐസക് വൈറലായി. അതോടെ ആ വെയിലത്തുള്ള നില്‍പ്പിന് ഫലവുമുണ്ടായി. അമ്പതോളം കമ്പനികള്‍ ജോലി വാഗ്ദ്ധാനം ചെയ്തു വിളിച്ചുവെന്ന് ഐസക് പിന്നീട് ഒരു ആഫ്രിക്കന്‍ ടെലിവിഷന് നല്‍കിയ അഭിമുഖത്തില്‍ വെളിപ്പെടുത്തി.
When I stood there with my placard, some people laughed at me and others too sent words of encouragement that I’ll get the job. I stood there for about 1hour 30mins and I’ve received some calls after that. Topic: Graduate Unemployment #GHToday w/ @serwaaamihere
Posted by GHOne TV on Wednesday, July 6, 2022
'ഘാന യൂണിവേഴ്‌സിറ്റിയില്‍ നിന്ന് ബിഎസ്‌സി മറൈന്‍ സയന്‍സില്‍ ബിരുദം നേടിയ വ്യക്തിയാണ് ഞാന്‍. ഒരുപാട് സ്ഥലത്ത് ജോലിക്ക് ശ്രമിച്ചെങ്കിലും ഒന്നും കിട്ടിയില്ല. ഇതോടെയാണ് പ്ലക്കാര്‍ഡുമായി റോഡിലേക്കിറങ്ങിയത്. ഇതുകണ്ട് പലരും പരിഹസിച്ചു. ഇതോടെ ആദ്യം നിന്ന സ്ഥലത്തു നിന്ന് മറ്റൊരു സ്ഥലത്തേക്ക് മാറി. അവിടെ നിന്ന് മികച്ച പിന്തുണയാണ് ലഭിച്ചത്. ഉറപ്പായും ജോലി കിട്ടുമെന്ന് ആളുകള്‍ ആശ്വസിപ്പിച്ചു. ഏതായാലും ഒന്നര മണിക്കൂറോളം വെയില്‍കൊണ്ടത് വെറുതേയായില്ല. എനിക്ക് ജോലി കിട്ടി. അതിലും വലിയ സന്തോഷമില്ല.'ഐസക് പറയുന്നു.
Content Highlights: jobless university of ghana graduate hits the streets with placard to beg a job