ഊരിലെ ഉടയാടകള്‍: ഗോത്രവേഷങ്ങള്‍ തേടി ഗൃഹലക്ഷ്മി
നൂല്‍സാരി, അഞ്ചുപൈസയും പത്തുപൈസയും ചേര്‍ത്തുവെച്ചുണ്ടാക്കുന്ന കാശുമാല, കൈയിലും കാലിലും തണ്ട, കീരെ പാസി താലിമാല, ഓലക്കമ്മല്‍, പുരികത്തിനു മുകളിലായുള്ള പച്ചകുത്ത്, മൂക്കുത്തി, കുപ്പിവള, ഒരു ഭാഗത്തേക്ക് കെട്ടിവെക്കുന്ന മുടി, തലയില്‍ ചൂടാന്‍ പലവിധം പൂക്കള്‍... അട്ടപ്പാടിയിലും തമിഴ്നാട്ടിലും കര്‍ണാടകത്തിലുമായി ചിതറിക്കിടക്കുന്ന ഇരുളഗോത്രക്കാര്‍ പരമ്പരാഗതമായി തുടര്‍ന്നുപോരുന്ന വേഷങ്ങളും അലങ്കാരങ്ങളും ഇങ്ങനെയായിരുന്നു.
കാലത്തിനൊത്ത് ഊരുകാരുടെ ഉടയാടകളും അലങ്കാരങ്ങളും മാറി. മുടിക്കെട്ടിലും വസ്ത്രധാരണത്തിലും പരിഷ്‌കാരം വന്നു. സാരി സ്ഥിരം വേഷമായി മാറി.
ഇരുളരുടെ പരമ്പരാഗത വേഷവും ആധുനിക രീതിയും രീതിയും ഇടകലര്‍ത്തിയാണ് ഇത്തവണത്തെ ഗൃഹലക്ഷ്മി ഫാഷന്‍. ഇരുളഗോത്രത്തില്‍ നിന്ന് മിസ് കേരള (വനദേവത) ടൈറ്റില്‍ വിന്നറായ അനു പ്രശോഭിനിയാണ് ഗോത്രശൈലിയിലെത്തുന്നത്.
Content Highlights: grihalakshmi fashion column tribal fashion