എംബ്രോയ്ഡറി ചെയ്യാം, ലേസ് വെക്കാം, നിറം നല്കാം... പഴഞ്ചന് ജീന്സാണെന്ന് ആരും പറയില്ല
എത്ര പഴകിയാലും നിറം മങ്ങിയാലും ജീന്സ് കളയാന് പുത് തലമുറയ്ക്ക് മടിയാണ്. അതുമൊരു സ്റ്റൈലാക്കി ഇടും അവര്. എന്നാല് കുറച്ച് അല്ലറ ചില്ലറ മിനുക്ക് പണികള് കൂടിയായാലോ.
- ഡിസ്ട്രസ്ഡ് ജീന്സില് ലേസ് വര്ക്ക് അറ്റാച്ച് ചെയ്യാം. അതല്ലെങ്കില് ജീന്സിന്രെ മുട്ട് മുതല് താഴെ വരെ മുന്ഭാഗം മുറിച്ച് കളയുക. എന്നിട്ട് ലേസ് തുന്നിച്ചേര്ക്കാം.
- പഴയ കുട്ടി ജീന്സിനെ ആദ്യം ഡിസ്ട്രസ്ഡ് ജീന്സാക്കുക. എന്നിട്ട് അരഭാഗത്ത് ഒരു ബോ അറ്റാച്ച് ചെയ്യൂ. കുട്ടികള്ക്കുള്ള ട്രെന്ഡി ജീന്സായി.
- ഡെനിം കുര്ത്തയുടെ കൈകള് മുറിച്ച് കളയാം. പകരം വേറെ ഡെനീം പീസുകള് തുന്നിപ്പിടിപ്പിക്കണം. ഇത് ക്രോപ്പ് ടോപ്പ് പോലെ കട്ട് ചെയ്യാം. മുന്നില് മിറര് വര്ക്കും കഴുത്തില് എംബ്രോയ്ഡറിയും. പ്രിന്റഡ് സാരിക്കൊപ്പം സൂപ്പര്.
- ജീന്സിന്റെ താഴെ ഭാഗം കോണ് ആകൃതിയില് മുറിച്ച് അവിടെ സിബ്ബ് പിടിപ്പിക്കൂ. സ്റ്റൈലിഷാവും.
- ഒരു ബക്കറ്റില് ബ്ലീച്ച് കലക്കിയ ശേഷം ജീന്സിന്റെ താഴെ ഭാഗം മാത്രം അതില് മുക്കി വയ്ക്കാം. കുറച്ച് കഴിയുമ്പോള് ആ ഭാഗത്തെ നിറം മങ്ങിയിട്ടുണ്ടാവും. ഇവിടെ കറുപ്പ് മാര്ക്കര് ഉപയോഗിച്ച് ഇഷ്ടമുള്ള ചിത്രങ്ങള് വരയ്ക്കാം.
- പഴയ ഡെനീം ജാക്കറ്റിന്റെ കൈകള് മുഴുവനായി മുറിച്ച് മാറ്റുക. ഉള്ളില് പ്രിന്റുള്ളതോ ചെക്കോ ആയ ഫുള് സ്ലീവ്ഷര്ട്ട് തുന്നിപ്പിടുപ്പിക്കാം.
- നീ ലെങ്ത് സ്കേര്ട്ടില് ബട്ടണുകളോ ലേസോ പിടിപ്പിച്ചാല് ലുക്ക് തന്നെ മാറും.
- ഡെനിം ഡംഗ്രിയില് കലംകാരി പ്രിന്റോ അല്ലെങ്കില് മറ്റേതെങ്കിലും മെറ്റീരിയലോ തുന്നിച്ചേര്ക്കാം
- ഡെനിംകുര്ത്തയുടെ മുകള്ഭാഗം വെട്ടിമാറ്റിയിട്ട് അവിടെ ചെറിയ എംബ്രോയിഡറിയുള്ള നെറ്റ് പിടിപ്പിക്കാം
കൂടുതല് ഫാഷന് വിശേഷങ്ങളറിയാന് ഗൃഹലക്ഷ്മി വാങ്ങാം
Content Highlights: Denim makeover tips
Content Highlights: