അഴകിന്റെ പട്ടുനൂൽ; അറിയാം ഉത്പാദനവും പ്രധാന തരങ്ങളും

ലോകത്തിലെ പ്രധാന പട്ട് ഉത്പാദക രാജ്യങ്ങളിലൊന്നാണ് ഇന്ത്യ.

നിരവധി കുടുംബങ്ങൾ പട്ടുനൂൽപ്പുഴുക്കളെ വളർത്തുകയും കൊക്കൂണുകളിൽനിന്ന് നൂൽ നിർമിക്കുകയും മനോഹരമായ പട്ടുതുണികൾ നെയ്യുകയും ചെയ്യുന്നു.

ഇന്ത്യയിൽ പ്രധാനമായും നാലുതരത്തിലുള്ള വാണിജ്യപ്പട്ട് ഉത്പാദിപ്പിക്കുന്നു.

മൾബറി പട്ട്: ഇന്ത്യയിൽ ഏറ്റവും കൂടുതലായി ഉത്പാദിപ്പിക്കുന്ന പട്ടുവർഗം. മൾബറി ഇലകൾ ഭക്ഷിക്കുന്ന പട്ടുനൂൽപ്പുഴുവിൽനിന്നാണ് ഇത് ലഭിക്കുന്നത്. വളരെ മൃദുവും തിളക്കമുള്ളതുമാണ്

ടസ്സർ പട്ട്: വനപ്രദേശങ്ങളിൽ വളരുന്ന പട്ടുനൂൽപ്പുഴുക്കളിൽ നിന്നാണ് ലഭിക്കുന്നത്. സ്വാഭാവികമായ സ്വർണ-തവിട്ടുനിറവും അല്പം പരുക്കൻ ഘടനയും ഇതിന്റെ പ്രത്യേകതയാണ്.

എരി പട്ട്: മൃദുവും ചൂട് നിലനിർത്തുന്നതുമായ പട്ടാണിത്. വടക്കുകിഴക്കൻ ഇന്ത്യയിൽ ഏറെ പ്രശസ്തമാണ്. ഇതിനെ ചിലപ്പോൾ 'Peace Silk' എന്നും വിളിക്കാറുണ്ട്.

മൂഗ പട്ട്: പ്രധാനമായും അസമിൽ ഉത്പാദിപ്പിക്കുന്ന പ്രശസ്തമായ സ്വർണനിറമുള്ള പട്ടാണ്. കഴുകുന്തോറും അതിന്റെ തിളക്കം വർധിക്കുന്നതായി പറയപ്പെടുന്നു.

Content Highlights: India is one of the world's leading silk producers., Four main types of commercial silk are produced in the country.