ചൂടിൽ കുളിരേകാൻ കിടിലൻ ഡ്രൈഫ്രൂട്ട് ഷേക്ക്. ഉണ്ടാക്കാൻ എളുപ്പം

ഡ്രൈഫ്രൂട്ട്‌സിലും നട്ട്‌സിലും ധാരാളം പോഷകങ്ങൾ അടങ്ങിയിട്ടുണ്ട്. അവ ഉപയോഗിച്ചുള്ള ഒരു രസികൻ ഡ്രിങ്ക് ഇതാ.
ആവശ്യമായ സാധനങ്ങൾ:
തിളപ്പിച്ചാറ്റിയ പാൽ : രണ്ടര കപ്പ്
ഉണക്കപ്പഴങ്ങളും നട്ട്‌സും : ഓരോന്നും മൂന്നെണ്ണം വീതം
പഞ്ചസാര : ഒരു ടീസ്പൂൺ

തയ്യാറാക്കുന്ന വിധം:

• വെള്ളത്തിൽ കുതിർത്ത ഡ്രൈഫ്രൂട്ട്‌സും നട്ട്‌സും പഞ്ചസാരയും അല്പം പാലും ചേർത്ത് മിക്‌സിയിൽ നന്നായി അരയ്ക്കണം.
• ഇതിലേക്ക് ബാക്കി പാൽ കൂടി ചേർത്ത് ഒന്നുകൂടി അടിച്ച് ഗ്ലാസ്സിലേക്ക് പകർന്നോളൂ.
• ഡൈഫ്രൂട്ട് മിൽക്ക് ഷേക്ക് തയ്യാർ. ആവശ്യമെങ്കിൽ തണുപ്പിന് ഐസ്‌ക്യൂബുകൾ ചേർക്കാം.
• ഈന്തപ്പഴം, ബദാം, അണ്ടിപ്പരിപ്പ്, വാൾനട്ട്, തുടങ്ങിയവയെല്ലാം ഉപയോഗിക്കാം. പഞ്ചസാരയ്ക്കുപകരം തേൻ ചേർത്തും ഷേക്ക് തയ്യാറാക്കാവുന്നതാണ്.

Content Highlights: Quick and easy preparation method, High nutritional value using nuts and dried fruits, Sugar-free alternative using honey suggested, Customizable with various nuts like almonds, walnuts, and dates