ആഗോളമാന്ദ്യത്തിൽ ഐ.ടി. മേഖല പിരിച്ചുവിടൽ ഭീഷണിയിൽ; കേരളത്തിലുണ്ടോ ആശങ്ക?

വേൾഡ് എക്കണോമിക് ഫോറത്തിന്റെ സാമ്പത്തിക വിദഗ്ധരുടെ കമ്മ്യൂണിറ്റി നടത്തിയ ഒരു സർവേയുടെ ഫലം വർഷാദ്യം പുറത്തുവന്നിരുന്നു. ഇതിൽ പങ്കെടുത്ത സാമ്പത്തിക വിദഗ്ധരുടെ അഭിപ്രായപ്രകാരം 2023-ൽ ആഗോളമാന്ദ്യമുണ്ടാവാനുള്ള സാധ്യത പ്രവചിക്കപ്പെടുന്നുണ്ട്. സർവേയിൽ പങ്കെടുത്തവരിൽ 18 ശതമാനവും ഈ വർഷം ഉറപ്പായും ഒരു മാന്ദ്യം പ്രതീക്ഷിക്കുന്നുണ്ട്. 45 ശതമാനം പേരും മാന്ദ്യത്തിന്റെ സാധ്യത തള്ളിക്കളയുന്നുമില്ല.

കോവിഡ് മഹാമാരിയിൽനിന്ന് കരകയറാൻ സമയമെടുക്കുന്നതും പണപ്പെരുപ്പമടക്കം ആഗോളതലത്തിൽ മാന്ദ്യത്തിന്റെ സാധ്യത വർധിപ്പിക്കുന്ന ഘടകങ്ങൾ ഏറെയാണെന്ന് ചൂണ്ടിക്കാണിക്കപ്പെടുന്നു. ചൈനയിലെ സീറോ കോവിഡ് പോളിസിയും റഷ്യയും യുക്രൈനും തമ്മിൽ തുടരുന്ന സംഘർഷവുമടക്കം നിരവധി കാരണങ്ങളാണ് മാന്ദ്യത്തിന് കാരണമായി ചൂണ്ടിക്കാണിക്കപ്പെടുന്നത്. 2008-ന് ശേഷം ഏറ്റവും വലിയ മാന്ദ്യമാണ് 2023-ൽ പ്രവചിക്കപ്പെട്ടിരിക്കുന്നത്. ഇതിനിടയിലാണ് മെറ്റയും ആമസോണും ഗൂഗിളുമടക്കം ആഗോള ടെക് കമ്പനികൾ കൂട്ടപിരിച്ചുവിടൽ നടത്തുന്നതിന്റെ വാർത്തകളും പുറത്ത് വരുന്നത്.

Content Highlights: global recession it tech layoffs in kerala