ലക്ഷക്കണക്കിന് വവ്വാലുകള് പിറന്നുവീഴുന്ന ഗുഹ; 10,000 വർഷത്തിലേറെ പഴക്കം, വവ്വാലുകളുടെ പരിശീലനക്കളരി
ഓരോ വര്ഷവും ദശലക്ഷക്കണക്കിന് വവ്വാല്കുഞ്ഞുങ്ങള് ജനിച്ചുവീഴുന്ന ഒരു ഗുഹയുണ്ട്, ഭൂമിയിലെ ഏറ്റവും വലിയ വവ്വാല് കോളനിയും വവ്വാലുകളുടെ പ്രജനന കോളനിയുമായ ബ്രാക്കണ് ഗുഹ. അമേരിക്കന് സംസ്ഥാനമായ ടെക്സസിലെ കോമല് കൗണ്ടിയിലുള്ള ഈ വവ്വാല് ഗുഹയെ പെണ്വവ്വാലുകളുടെ പറുദീസയെന്നും വിളിക്കാം. ഒരേസമയം ഏകദേശം ഒന്നരക്കോടി മുതല് രണ്ടുകോടിവരെ (ചിലപ്പോള് അധിലധികവും) മെക്സിക്കന് ഫ്രീ- ടെയില്ഡ് ഇനത്തില്പ്പെട്ട വവ്വാലുകള് താഴ്വരയുടെ ഏറ്റവും അടിഭാഗത്തുള്ള ഈ ഗുഹയില് വസിക്കാറുണ്ട്. ഇവരിവിടുത്തെ സ്ഥിരതാമസക്കാരല്ലെന്നതാണ് കൗതുകം. പെണ്വവ്വാലുകളുടെ വേനല്ക്കാല വസതി മാത്രമാണ് ബ്രാക്കണ് ഗുഹ.
ദേശാടനക്കാരായ ഇക്കൂട്ടര് എല്ലാ വര്ഷവും മാര്ച്ച് മുതല് ഒക്ടോബര് വരെയുള്ള കാലയളവില് മെക്സിക്കോ, മധ്യ, തെക്കേ അമേരിക്ക എന്നിവിടങ്ങളില് ശീതകാലം ചെലവിട്ട് അവിടെ ഇണചേരും. പെണ്വവ്വാലുകള് മാര്ച്ചിന്റെ തുടക്കത്തോടെ കിലോമീറ്ററുകള് പറന്ന് ബ്രാക്കണ് ഗുഹയിലേക്ക് പോവും. വയറ്റില് കുഞ്ഞുജീവനെയും വഹിച്ചാവും ഗുഹാവാസത്തിനുള്ള യാത്ര. ഓസ്ട്രേലിയയിലെ ക്രിസ്മസ് ദ്വീപിലെ മഴക്കാടുകളില് നിന്ന് ലക്ഷക്കണക്കിന് ചുവപ്പന് ഞണ്ടുകള് പ്രജനനത്തിനായി കൂട്ടത്തോടെ കടല്ത്തീരങ്ങളിലേക്കു പോകുന്നതുപോലെ. ആണ്വവ്വാലുകള് ചെറിയ ഗ്രൂപ്പുകളായി മറ്റെവിടെയെങ്കിലും ചേക്കേറും. ഗുഹയിലേക്ക് പറക്കുന്നവരില് അത്യപൂര്വമായി മാത്രം ആണ്വവ്വാലുകളും ഉണ്ടാവാറുണ്ട്. പല സംഘങ്ങളായെത്തുന്ന പെണ്വവ്വാലുകള് ജൂണ് മാസത്തോടെ കുഞ്ഞുങ്ങളെ പ്രസവിക്കും. ഗുഹയിലെ വവ്വാല്സംഖ്യ അപ്പോള് ഇരട്ടിയോളമാവും. വലിയൊരു ഇന്ക്യുബേറ്റര് പോലെ കുഞ്ഞുങ്ങളുടെ വളര്ച്ചയ്ക്ക് അനിയോജ്യമായ താപനിലയുള്ളൊരിടമാണ് ബ്രാക്കണ് ഗുഹ.
Content Highlights: Bracken Cave, World's largest bat colony in Texas