ആന്റോ-ഐസക്ക്-പി.സി? ക്ലാസിക്ക് പോരാട്ടം കാത്ത് പത്തനംതിട്ട

തുടർച്ചയായി മൂന്നുവട്ടം ഒപ്പംനിന്ന, കോൺഗ്രസിൻ്റെ കോട്ടയായ ലോക്‌സഭാ മണ്ഡലം- പത്തനംതിട്ട. ഇക്കുറിയും വിജയപ്രതീക്ഷയുമായാണ് കോൺഗ്രസ് തിരഞ്ഞെടുപ്പിനെ നേരിടാൻ ഇറങ്ങുന്നതെങ്കിലും കഴിഞ്ഞ തവണത്തേതിനെക്കാൾ കാര്യങ്ങൾ കുറച്ചധികം കടുപ്പമാകുമെന്ന് ഉറപ്പാണ്. രാഷ്ട്രീയ സാഹചര്യം തന്നെയാണ് പ്രധാന ഘടകം. കഴിഞ്ഞ തവണ ഇടതിനും പിന്നിലായി മൂന്നാം സ്ഥാനം കൊണ്ട് തൃപ്തരാകേണ്ടി വന്ന ബി.ജെ.പി. ഇക്കുറി രണ്ടും കൽപ്പിച്ചുതന്നെയാണ് മുന്നോട്ടിറങ്ങിയിരിക്കുന്നത്. കേരളത്തിൽ തന്നെ ബി.ജെ.പിക്ക് പ്രതീക്ഷയുള്ള ലോക്‌സഭാ മണ്ഡലങ്ങളിൽ മുന്‍പന്തിയിലാണ്‌ പത്തനംതിട്ടയുടെ സ്ഥാനം. എൽ.ഡി.എഫ് ആകട്ടെ എന്തുവിലകൊടുത്തും മണ്ഡലം പിടിക്കാൻ കച്ചകെട്ടി ഇറങ്ങിയിരിക്കുകയാണ്. എന്തായാലും ഒന്നുറപ്പ്, പോരാട്ടം ഇത്തവണയും കനക്കും. 

2019-ന് ശേഷം, കൃത്യമായി പറഞ്ഞാല്‍ ശബരിമല വിഷയത്തോടെ മൂന്ന് മുന്നണികള്‍ക്കും വിജയസാധ്യത കല്‍പിക്കപ്പെടുന്ന മണ്ഡലമാണ് പത്തനംതിട്ട. 2008-ലാണ് മണ്ഡലം രൂപീകൃതമായത്‌. അതിന് ശേഷം നടന്ന മൂന്ന് തിരഞ്ഞെടുപ്പിലും കോൺഗ്രസ് സീറ്റിൽ മത്സരിച്ച് ആൻ്റോ ആൻ്റണി ലോക്‌സഭയിലെത്തി. 

Content Highlights: pathanamthitta lok sabha constituency history ldf udf bjp