'അദ്ദേഹം പഠിച്ച സ്കൂളുകളും സഞ്ചരിച്ച റോഡുകളും നിർമിച്ചത് കോൺഗ്രസ്'; KCR-നെ പരിഹസിച്ച് രാഹുൽ

ഹെെദരാബാദ്: തെലങ്കാന മുഖ്യമന്ത്രി കെ. ചന്ദ്രശേഖർ റാവുവിനെതിരെ രൂക്ഷവിമർശനവുമായി കോൺ​ഗ്രസ് നേതാവ് രാഹുൽ ​ഗാന്ധി. കെ.സി.ആർ കൊള്ളയടിച്ച പണം തിരിച്ചുപിടിച്ച് സാധാരണക്കാരുടെ ക്ഷേമപദ്ധതികൾക്കായി ഉപയോ​ഗപ്പെടുത്തുമെന്ന് രാഹുൽ പറഞ്ഞു. നിയമസഭാ തിരഞ്ഞെടുപ്പിന് മുന്നോടിയായി ഖമ്മത്ത് നടന്ന റോഡ് ഷോയിൽ സംസാരിക്കുകയായിരുന്നു അദ്ദേഹം. 

തെലങ്കാനയിൽ വ്യാപകമായ അഴിമതിയാൽ ജനങ്ങൾ വലഞ്ഞിരിക്കുകയാണ്. ജനകീയ സർക്കാർ രൂപീകരിക്കുക എന്നത് കോൺ​ഗ്രസിന്റെ അജണ്ടയാണ്. സംസ്ഥാനത്ത് കോൺ​ഗ്രസ് അത് സാധ്യമാക്കും. പിന്നാലെ, കേന്ദ്രത്തിൽ നിന്നും മോദി സർക്കാറിനെ പുറത്താക്കുമെന്നും രാഹുൽ അവകാശപ്പെട്ടു. 

തെലങ്കാനയിൽ കോൺ​ഗ്രസ് പാർട്ടി നൽകിയ സംഭാവനകളെ ചോദ്യം ചെയ്ത കെ.സി.ആറിനെ രാഹുൽ പരി​ഹസിച്ചു. അദ്ദേഹം പഠിച്ച സ്കൂളുകളും സഞ്ചരിച്ച റോഡുകളും കോൺ​ഗ്രസ് നിർമിച്ചതാണ്. ഹെെദരാബാദിനെ ലോകത്തിന്റെ ലോകത്തിന്റെ ഐടി തലസ്ഥാനമാക്കി മാറ്റിയതും തന്റെ പാർട്ടിയാണ്. തെലങ്കാന സംസ്ഥാനം രൂപീകരിക്കുക എന്ന ജനങ്ങളുടെ ദീർഘനാളത്തെ സ്വപ്നം സാക്ഷാത്കരിച്ചത് കോൺ​ഗ്രസാണെന്നും രാഹുൽ കെ.സി.ആറിനെ ഓര്‍മിപ്പിച്ചു. 

Content Highlights: Congress built the schools KCR attended and the roads he walked on, says Rahul