എം.എസ്സി. നഴ്സിങ്: സ്പോട്ട് അലോട്ട്മെന്റ് 25 ന്

വിവിധ സര്‍ക്കാര്‍ നഴ്സിങ് കോളേജുകളിലായി എം. എസ്സി. നഴ്സിങ് കോഴ്‌സില്‍ ഒഴിവുള്ള സീറ്റിലേക്കുള്ള സ്‌പോട്ട് അലോട്ട്‌മെന്റ് മാര്‍ച്ച് 25-ന് രാവിലെ 11-ന് മെഡിക്കല്‍ വിദ്യാഭ്യാസ കാര്യാലയത്തില്‍ നടക്കും. രാവിലെ 10.30-നു മുന്‍പായി ഹാജരാകണം.

റാങ്ക് പട്ടികയില്‍നിന്നാണ് പ്രവേശനം. യോഗ്യത തെളിയിക്കുന്നതിന് ആവശ്യമായ അസല്‍രേഖകള്‍, ടി.സി., മറ്റ് അനുബന്ധരേഖകള്‍ (പ്രവേശനപരീക്ഷാ കമ്മിഷണറുടെ ഡേറ്റാഷീറ്റ്, തിരിച്ചറിയല്‍, റാങ്ക്, കാറ്റഗറി) എന്നിവ ഹാജരാക്കുന്ന വിദ്യാര്‍ഥികളെ മാത്രമാകും പരിഗണിക്കുക. വിവരങ്ങള്‍ക്ക്: www.kerala.gov.in

Content Highlights: spot allotment willl be conducted for different nursing courses conducted by government colleges