പരീക്ഷ മാറ്റി, സ്പോട്ട് അഡ്മിഷൻ | കാലിക്കറ്റ് സര്വകലാശാലാ വാര്ത്തകള്
സ്പോട്ട് അഡ്മിഷൻ: പട്ടികവർഗ വിഭാഗത്തിൽപ്പെട്ട വിദ്യാഥികൾക്ക് വയനാട് ചെതലയത്തുള്ള കാലിക്കറ്റ് സർവകലാശാലാ ഇൻസ്റ്റിറ്റ്യൂട്ട് ഓഫ് ട്രൈബൽ സ്റ്റഡീസ് ആൻഡ് റിസർച്ചിൽ താമസിച്ച് പഠിക്കാവുന്ന ബി.കോം. ഓണേഴ്സ് (കംപ്യൂട്ടർ അപ്ലിക്കേഷൻ) കോഴ്സിലേക്കുള്ള സ്പോട്ട് അഡ്മിഷൻ 15-ന് നടക്കും. എസ്.എസ്.എൽ.സി., പ്ലസ്ടു സർട്ടിഫിക്കറ്റ്, ക്യാപ് ഐ.ഡി., ടി.സി., കണ്ടക്ട്, കമ്യൂണിറ്റി, ഇൻകം, നേറ്റിവിറ്റി സർട്ടിഫിക്കറ്റുകൾ, ഇക്വലവൻസി സർട്ടിഫിക്കറ്റ് (ആവശ്യമാണെങ്കിൽ), ആധാർ കാർഡ്, ബാങ്ക് പാസ്ബുക്ക്, രണ്ട് പാസ്പോർട്ട് സൈസ് ഫോട്ടോ തുടങ്ങിയവ സഹിതം രാവിലെ 11.30-ന് ഐ.ടി.എസ്.ആർ. കാര്യാലയത്തിൽ ഹാജരാകണം. വിശദവിവരങ്ങൾ വെബ്സൈറ്റിൽ. ഫോൺ: 6282064516, 9744013474.
പരീക്ഷ മാറ്റി: അഫിലിയേറ്റഡ് കോളേജുകൾ/സെന്റർ ഫോർ ഡിസ്റ്റൻസ് ആൻഡ് ഓൺലൈൻ എജുക്കേഷൻ വിദ്യാർഥികൾക്കായി ജൂലായ് 26-ന് നടത്താൻ നിശ്ചയിച്ച രണ്ടാം സെമസ്റ്റർ വിവിധ പി.ജി. (സി.ബി.എസ്.എസ്.-പി.ജി.) ഏപ്രിൽ 2024/ഏപ്രിൽ 2023-റെഗുലർ/സപ്ലിമെന്ററി/ ഇംപ്രൂവ്മെന്റ് പരീക്ഷകൾ (സ്പെഷ്യൽ പരീക്ഷകളും പുനഃപരീക്ഷകളും ഉൾപ്പെടെ) ഓഗസ്റ്റ് രണ്ടിന് നടത്തും. മറ്റു പരീക്ഷകൾ, പരീക്ഷാകേന്ദ്രം, സമയം എന്നിവയിൽ മാറ്റമില്ല. വിശദവിവരങ്ങൾ വെബ്സൈറ്റിൽ.
Content Highlights: latest calicut university updates