UGC NET June 2026: അപേക്ഷിക്കാനുള്ള അവസാന തീയതി നീട്ടി

ന്യൂഡൽഹി: യുജിസി നെറ്റ് ജൂൺ 2026 പരീക്ഷയ്ക്കുള്ള ഓൺലൈൻ അപേക്ഷ സമർപ്പിക്കേണ്ട അവസാന തീയതി നാഷണൽ ടെസ്റ്റിംഗ് ഏജൻസി നീട്ടി. പുതുക്കിയ സമയക്രമം അനുസരിച്ച് ഉദ്യോഗാർത്ഥികൾക്ക് മെയ് 23 വരെ ഓൺലൈനായി അപേക്ഷിക്കാം. രജിസ്ട്രേഷൻ നടപടികൾ പൂർത്തിയാക്കാൻ കൂടുതൽ സമയം അനുവദിക്കണമെന്ന് ആവശ്യപ്പെട്ട് രാജ്യത്തിന്റെ വിവിധ ഭാഗങ്ങളിൽ നിന്നുള്ള ഉദ്യോഗാർത്ഥികളിൽ നിന്ന് അപേക്ഷകൾ ലഭിച്ചതിനെ തുടർന്നാണ് തീരുമാനമെന്ന് എൻ.ടി.എ ഔദ്യോഗിക വാർത്താക്കുറിപ്പിൽ അറിയിച്ചു.

പുതുക്കിയ സമയക്രമം ഒറ്റനോട്ടത്തിൽ:

• ഓൺലൈൻ അപേക്ഷ സമർപ്പിക്കൽ: മെയ് 23, 2026 (രാവിലെ 10:00 മണി വരെ)

• പരീക്ഷാ ഫീസ് അടയ്ക്കേണ്ട അവസാന തീയതി: മെയ് 23, 2026 (രാത്രി 11:50 മണി വരെ)

• അപേക്ഷകളിലെ തിരുത്തൽ വിൻഡോ (Correction Window): മെയ് 25 മുതൽ മെയ് 27, 2026 വരെ

അവസാന നിമിഷത്തെ സാങ്കേതിക തടസ്സങ്ങളും വെബ്‌സൈറ്റിലെ അമിതമായ തിരക്കും ഒഴിവാക്കുന്നതിനായി ഉദ്യോഗാർത്ഥികൾ അവസാന തീയതിക്കായി കാത്തുനിൽക്കാതെ എത്രയും വേഗം രജിസ്ട്രേഷൻ പൂർത്തിയാക്കണമെന്ന് എൻ.ടി.എ നിർദ്ദേശിച്ചു.

പരീക്ഷാ തീയതികൾ, അഡ്മിറ്റ് കാർഡ്, പരീക്ഷാ കേന്ദ്രങ്ങളുടെ വിവരങ്ങൾ (എന്നിവയെക്കുറിച്ചുള്ള തുടർന്നുള്ള അപ്‌ഡേറ്റുകൾക്കായി ഉദ്യോഗാർത്ഥികൾ ugcnet.nta.nic.in എന്ന ഔദ്യോഗിക വെബ്‌സൈറ്റ് നിരന്തരം സന്ദർശിക്കേണ്ടതാണ്.

ഇന്ത്യൻ സർവ്വകലാശാലകളിലും കോളേജുകളിലും ജൂനിയർ റിസർച്ച് ഫെലോഷിപ്പ്, അസിസ്റ്റന്റ് പ്രൊഫസർ നിയമനം, പിഎച്ച്.ഡി പ്രവേശനം എന്നിവയ്ക്കുള്ള യോഗ്യത നിർണ്ണയിക്കുന്നതിനാണ് നാഷണൽ ടെസ്റ്റിങ് ഏജൻസി യുജിസി നെറ്റ് പരീക്ഷ നടത്തുന്നത്.

Content Highlights: The National Testing Agency (NTA) has extended the online application deadline for the UGC NET June 2026 exam to May 23, 2026, following numerous requests from candidates across the country.