നീറ്റ് യു.ജി: ആദ്യ നൂറിൽ അഞ്ച് മലയാളികൾ, കേരളത്തില്‍ നിന്നും ഒന്നാം റാങ്ക് നേടി ശ്രീനന്ദ്‌

ന്യൂഡൽഹി: സുപ്രീംകോടതി നിർദേശത്തെ തുടർന്ന് നീറ്റ് യു.ജി. 2024 പരീക്ഷയുടെ പുതുക്കിയഫലം നാഷണൽ ടെസ്റ്റിങ് ഏജൻസി പ്രസിദ്ധീകരിച്ചു. 23,33,162 വിദ്യാർഥികൾ പരീക്ഷയെഴുതിയതിൽ 13,15,853 പേർ യോഗ്യതനേടി. കണ്ണൂർ സ്വദേശിയായ ശ്രീനന്ദ് ഷർമിൾ ഉൾപ്പെടെ 17 പേർ 720-ൽ 720 മാർക്ക് (പെർസന്റൈൽ-99.9992714) നേടി ഒന്നാംറാങ്ക് കരസ്ഥമാക്കി. കേരളത്തിലും ശ്രീനന്ദിനാണ് ഒന്നാംറാങ്ക്. പത്മനാഭ മേനോൻ 21-ാം റാങ്ക്, തൃശ്ശൂർ സ്വദേശി ദേവദർശൻ ആർ. നായർ 49-ാം റാങ്ക്, കൊല്ലം അടിച്ചനല്ലൂർ സ്വദേശി വി.ജെ. അഭിഷേക് 73-ാം റാങ്ക്, കോഴിക്കോട് ചേവായൂർ സ്വദേശി അഭിനവ് സുനിൽ പ്രസാദ് 82-ാം റാങ്ക് എന്നിങ്ങനെ നേടി. നീറ്റ് യു.ജി. ചോദ്യക്കടലാസ് ചോർച്ചയെത്തുടർന്നും ഗ്രേസ് മാർക്ക് നിൽകിയതുമായി ബന്ധപ്പെട്ടും വിദ്യാർഥികൾ സുപ്രീംകോടതിയെ സമീപിച്ചിരുന്നു. ഫലം അറിയാൻ: exams.nta.ac.in/NEET/

Content Highlights: nee ug revised results 2024