ഓണാഘോഷത്തിന് ഇനി 'പരീക്ഷാപ്പേടി' വേണ്ട; എട്ടാം ക്ലാസുകാർക്ക് ആശ്വാസവാർത്ത!

തിരുവനന്തപുരം: ഓണാഘോഷ പരിപാടികൾ സംഘടിപ്പിക്കുന്ന ദിനത്തിൽ നിശ്ചയിച്ചിരുന്ന എട്ടാം ക്ലാസ് വിദ്യാർഥികളുടെ മലയാളം രണ്ടാം പേപ്പർ പരീക്ഷ ഒടുവിൽ മാറ്റിവെച്ചു. മാറ്റിവെച്ച പരീക്ഷ സെപ്റ്റംബർ ഒന്നിന് നടക്കും.

നേരത്തെ, ഓഗസ്റ്റ് 20-ന് ഉച്ചയ്ക്കുശേഷം നടത്താൻ തീരുമാനിച്ചിരുന്ന മലയാളം രണ്ടാം പേപ്പർ പരീക്ഷ, 8, 9, 10 ക്ലാസുകളിലെ പരീക്ഷകൾ ഒരേ സമയത്ത് വരുന്നത് ഒഴിവാക്കാനായി വിദ്യാഭ്യാസ വകുപ്പ് ഓഗസ്റ്റ് 21-ലേക്ക് പുനഃക്രമീകരിച്ചിരുന്നു. എന്നാൽ ഓഗസ്റ്റ് 21-നാണ് സംസ്ഥാനത്തെ ഭൂരിഭാഗം സ്കൂളുകളിലും ഓണാഘോഷ പരിപാടികൾ നടത്താനിരിക്കുന്നത്. ആഘോഷദിനത്തിൽ പരീക്ഷ നടത്തുന്നത് കുട്ടികൾക്കും അധ്യാപകർക്കും പ്രതിസന്ധിയുണ്ടാക്കുമെന്ന വിമർശനങ്ങളും പ്രതിഷേധങ്ങളും ശക്തമായതിനെ തുടർന്നാണ് പൊതുവിദ്യാഭ്യാസ വകുപ്പിന്റെ പുതിയ തീരുമാനം.

Content Highlights: Following widespread protests over holding an exam on the day of school Onam celebrations, the Kerala General Education Department has postponed the Class 8 Malayalam Paper 2 exam to September 1.