വെഞ്ഞാറമൂട് ഇരട്ടക്കൊല: പ്രത്യേകം രൂപപ്പെടുത്തിയ ആയുധം; രണ്ടു പേരെയും കുത്തിയത് ഒരാള്‍

വെഞ്ഞാറമൂട്: തിരുവോണത്തലേന്ന് വെഞ്ഞാറമൂട് നടന്ന ഇരട്ടക്കൊലപാതകത്തിനുപയോഗിച്ചത് പോലീസ് കണ്ടെടുത്ത ആയുധങ്ങൾ തന്നെയാണെന്ന് പോസ്റ്റുേമാർട്ടം റിപ്പോർട്ടും സാക്ഷ്യപ്പെടുത്തുന്നു. വെട്ടുകത്തി, കത്തി, വാൾ, കുത്താനുപയോഗിച്ച പ്രത്യേക തരം കത്തി എന്നിവയാണ് കൊല നടന്നതിന്റെ പരിസരത്തുനിന്ന് പോലീസ് കണ്ടെടുത്തത്. കൊല നടത്തിയ ശേഷം ഇവ ഇവിടെയെറിഞ്ഞിട്ടാണ് പ്രതികൾ രക്ഷപ്പെട്ടത്.

തെളിവെടുപ്പിനു കൊണ്ടുവന്നപ്പോൾ പ്രതികൾ ഇത് പോലീസിനോടു സമ്മതിക്കുകയും ചെയ്തു. ഹക്ക് മുഹമ്മദിന്റെ ശരീരത്തിൽ 17 മുറിവുകളും മിഥിലാജിന്റെ ശരീരത്തിൽ 14 മുറിവുകളുമാണുള്ളത്. ഇരുവർക്കും നെഞ്ചിലേറ്റ ആഴത്തിലുള്ള മുറിവുകളാണ് മരണകാരണമെന്ന് മെഡിക്കൽ റിേപ്പാർട്ട് സാക്ഷ്യപ്പെടുത്തുന്നു.

ഇതിനായി പ്രത്യേകം രൂപപ്പെടുത്തിയ ആയുധമാണ് ഉപയോഗിച്ചിരിക്കുന്നത്. രണ്ടു പേരെയും കൊല ചെയ്യണമെന്ന ഉദ്ദേശത്തോടുകൂടി ഒരാൾ തന്നെയാണ് കുത്തിയിരിക്കുന്നത് എന്നാണ് പോലീസ് അനുമാനിക്കുന്നത്.

Content Highlights:venjaramoodu double murder case

Content Highlights: