സ്ത്രീധനപീഡനം; യുവതിയെ ഭര്തൃമാതാപിതാക്കള് കഴുത്തുഞെരിച്ച് കൊലപ്പെടുത്തിയെന്ന് പരാതി; സംഭവം യുപിയില്
മുസാഫര്നഗര്: സ്ത്രീധനം ആവശ്യപ്പെട്ടുള്ള തുടര്ച്ചയായ പീഡനത്തിന് പിന്നാലെ യുവതിയെ ഭര്തൃമാതാപിതാക്കള് കഴുത്തുഞെരിച്ച് കൊലപ്പെടുത്തിയെന്ന് പരാതി. ഉത്തര്പ്രദേശിലെ മുസാഫര്നഗര് ജില്ലയിലെ കസോലി ഗ്രാമത്തില് ഞായറാഴ്ച വൈകിട്ടായിരുന്നു സംഭവം. ഹിന എന്ന ഇരുപത്തെട്ടുകാരിയാണ് കൊല്ലപ്പെട്ടത്.
ഹിനയുടെ ഭര്ത്താവ് ഖുഷ്നസീബ്, ഭര്തൃമാതാപിതാക്കളായ ഇന്തസാര്, ഫര്സാന, ഭര്ത്താവിന്റെ രണ്ട് സഹോദരന്മാര് എന്നിവര്ക്കെതിരേ കേസ് രജിസ്റ്റര് ചെയ്തു. എന്നാല്, ആരോപണവിധേയരെല്ലാം ഒളിവിലാണെന്ന് പോലീസ് പറഞ്ഞു. ഇവരെ പിടികൂടാന് അന്വേഷണസംഘങ്ങള് രൂപവത്കരിച്ചിട്ടുണ്ടെന്ന് സര്ക്കിള് ഓഫീസര് ഡി. ബാജ്പേയ് പറഞ്ഞു.
2023 മേയ്മാസത്തിലാണ് ഹിനയുടെയും ഖുഷ്നസീബിന്റെയും വിവാഹം നടന്നത്. അന്നുമുതല് തുടര്ച്ചയായി ഹിന സ്ത്രീധനപീഡനം അനുഭവിക്കുകയായിരുന്നെന്ന് സഹോദരന് പോലീസിന് നല്കിയ പരാതിയില് ആരോപിക്കുന്നു.
Content Highlights: woman allegedly killed by in laws over dowry demand in up