തുറവൂരിൽ ക്ഷേത്രത്തിന്റെ കാണിക്കവഞ്ചി കുത്തിത്തുറന്ന് മോഷണം; തകർത്തത് 5 ലക്ഷം രൂപവരെ വരവുള്ള വഞ്ചി

ആലപ്പുഴ: തുറവൂർ മഹാക്ഷേത്രത്തിന്റെ കാണിക്കവഞ്ചി കുത്തിത്തുറന്ന് മോഷണം. ക്ഷേത്രക്കുളത്തിന് കിഴക്കു ഭാഗത്ത് ദേശീയപാതയോടു ചേർന്നുള്ള കാണിക്കവഞ്ചിയാണ് കുത്തിത്തുറന്നത്.

വ്യാഴാഴ്ച രാവിലെ തുറവൂർ സ്റ്റാന്റിലെ ഓട്ടോ ഡ്രൈവർമാരാണ് സംഭവം ആദ്യം കണ്ടത്. പൂട്ട് പൊളിച്ച നിലയിലായിരുന്നു. തിരുവിതാംകൂർ ദേവസ്വം ബോർഡിന്റെ കീഴിൽ വരുന്ന ഈ ക്ഷേത്രത്തിൽ രണ്ടു മാസത്തിലൊരിക്കൽ കാണിക്കവഞ്ചി പൊട്ടിച്ചാൽ നാലുമുതൽ അഞ്ചുലക്ഷംവരെ വരുമാനം കിട്ടാറുണ്ട്.

Content Highlights: Theft reported at the historic Thuravoor Mahakshetram in Alappuzha., The main offering box (kanikka vanchi) located near the national highway was broken into., The targeted offering box is a significant source of revenue, collecting up to 5 lakh rupees bimonthly., The temple is managed by the Travancore Devaswom Board.