ശ്രീപത്മനാഭ സ്വാമി ക്ഷേത്രത്തില് മോഷണം, മൂന്ന് സ്ത്രീകൾ ഉൾപ്പടെ നാലുപേർ പിടിയില്
തിരുവനന്തപുരം: ശ്രീപത്മനാഭ സ്വാമി ക്ഷേത്രത്തിൽ അമൂല്യ പുരാവസ്തുശേഖരത്തിൽ പെട്ട നിവേദ്യ ഉരുളി മോഷ്ടിച്ച സംഭവത്തിലെ പ്രതികള് പിടിയില്. മൂന്നുസ്ത്രീകള് അടക്കമുള്ള പ്രതികളാണ് പിടിയിലായത്. ഇന്ത്യയില് ജനിച്ച് ഓസ്ട്രേലിയയില് സ്ഥിരതാമസമാക്കിയ ജാഗണേഷ് എന്നയാളും പിടിയിലായവരിലുള്പ്പെടുന്നു. വിപുലമായ അന്വേഷണത്തിനൊടുവില് ഹരിയാനയില്വെച്ചാണ് പ്രതികള് പിടിയിലായത്.
ഒക്ടോബര് 13 ന് രാവിലെയാണ് ക്ഷേത്രത്തില് മോഷണം നടന്നത്. അതീവസുരക്ഷാമേഖലയിലായിരുന്നു മോഷണം. സംസ്ഥാന പോലീസിന്റേയും കേന്ദ്രസേനയുടേയും സുരക്ഷാവലയത്തിലുള്ള സ്ഥലത്തുനിന്നാണ് ഉരുളി മോഷണം പോയത്. ക്ഷേത്രത്തിലെ സുരക്ഷാവീഴ്ച സംബന്ധിച്ചും അന്വേഷണം നടക്കുന്നുണ്ട്.
Content Highlights: Sree Padmanabhaswamy Temple robbery thiruvananthapuram